Toyota Innova Hycross: केंद्रिय मंत्री नितिन गडकरी यांनी आज दिल्ली येथे एका कार्यक्रमादरम्यान इथेनॉल इंधनवर चालणारी कार लाँच केली आहे. टोयोटाची इनोव्हा हायक्रॉस कार 100 टक्के इथेनॉल इंधनावर चालते. ही कार जगातील पहिलीच इलेक्ट्रीफाईड फ्लेक्स फ्युएल कार आहे. या कारच्या जबरदस्त फिचर्सबद्दल जाणून घेऊया.

• फीचर

टोयोटा इनोव्हा हायक्रॉस पुर्णपणे इथेनॉलवर धावण्यासाठी डिझाइन केली आहे.तसेच यामध्ये लिथियम-आयन बॅटरी पॅकचा समावेश आहे. यामुळे EV मोडवर देखील चालू शकते. ही एक प्रोटोटाईप कार आहे.

पेट्रोल आणि डिझेलला पर्याय म्हणून या इंधनाचा वापर केला जाणार आहे. तसेच प्रदूषण कमी करण्यासाठी देखील मदत होणार आहे. तसेच यामध्ये 2.7 लीटर फ्लेक्स फ्यएल हायब्रिड इंजिनसह सज्ज आहे. ही कार पुर्णपणे इथेनॉवर चालणार आहे.

इथेनॉल हे इंधन ऊस , धान्य यासारख्या वनस्पतींपासून तयार होते. यामुळे वाढत्या प्रदुषणाला आळा बसू शकतो. पेट्रोल-डिझेलच्या तुलनेत इथेनॉची किंमत कमी आहे. देशातील 40 टक्के प्रदूषण हे वाहनांमुळे होते. इथेनॉलचा वापर वाढल्यास देशातील प्रदूषण कमी होऊ शकते.