नखांचे (Nail) आरोग्य चांगले ठेवणे अवश्यक आहे. यामुळे अनेक आजारापासून बचाव होऊ शकतो. अनेकवेळा आपल्या चुकीची दिनचर्या, नेल पेंटचा वापर किंवा जास्त वेळ नेल पेंट ठेवणे हे देखील कारण असू शकते. पिवळे नखे दिसायला खूप वाईट दिसतात. तसेच पिवळे नखे असेल तर ते एखाद्या आजारचे लक्षण असू शकते. नखांचा पांढरा शुभ्र रंग टिकून राहण्यासाठी घरगुती पद्धतींचा वापर करावा.

* नखांचा पिवळेपना दूर करण्यासाठी घरगुती उपाय

1) लिंबूमध्ये (Lemon) नैसर्गिक ब्लीचिंग घटक असतात. यांचा वापर करून तुमची समस्या बऱ्याच प्रमाणात कमी होऊ शकते. यासाठी एका भांड्यात कोमट पाण्यात एक लिंबू पिळून त्यात लिंबू तेलाचे काही थेंब टाकावे. साधारण 15 मिनिटे या पाण्यात हात ठेवावा. यानंतर नखे टूथब्रशच्या मदतीने स्वच्छ करावे. यानंतर कोमट पाण्याने हात धुवावे आणि मॉइश्चरायझर लावावे. आठवड्यातून एकदा असे केल्यास नखांचा पिवळेपना कमी होतो.

2) टूथपेस्टचा वापर करून सुद्धा तुम्ही नखांचा पिवळेपना कमी करू शकता. यासाठी नखांवर टूथपेस्ट लावावे आणि टूथब्रशच्या मदतीने स्वच्छ करावे. यामुळे नखांची चमक कायम राहते.

3 ) व्हाईट व्हीनेगर नखांची चमक ठिकून राहण्यासाठी मदत करते. यासाठी कोमट पाण्यात व्हीनेगर टाकावे. यानंतर तुमचे हात या पाण्यात सुमारे 10 मिनिटे ठेवावे. काही वेळाने कोमट पाण्याने स्वच्छ धुवावे.

4 ) बदाम आणि ऑलिव्ह ऑइल समान प्रमाणात मिक्स करावे. रोज झोपताना नखांवर या तेलाने मालीश करावी. यामुळे नखांची (Nails) चमक कायम राहते.