तालिबानने (Taliban) अफगाणिस्तानवर (Afghanistan) कब्जा केल्यानंतर भारतीय अर्थव्यवस्थेवर (Indian Economy) काय परिणाम होणार असा प्रश्न आधीच उपस्थित झाला होता. आणि आता तालीबान्यांनी पुर्ण अफगाणचा ताबा घेतल्याने भारताशी व्यापार (Business) बंद केला आहे. आता ना काबूलला (Kabul) निर्यात करता येणार ना तिथून काही आयात करता येणार. यामुळे बाजारात सुका मेव्याचे (Dry Fruits) भाव गगनाला भिडू लागले आहे. यामुळे तुम्ही जर काळजी करत असला तर ती करायची गरज नाही कारण ड्राय फ्रुट्सला पर्याय म्हणून आपण ड्राय सीड्सचा वापर करू शकतो. ड्राय सीड्समुळे आपले आरोग्य चांगले राहते. चला तर मग जाणून घेवूया कोणते आहेत ते ड्राय सीड्सबद्दल

* तीळ

तीळामध्ये अँटीऑक्सिडंट्सचे प्रमाण भरपूर असते. यात पॉलीअनसॅच्युरेटेड आणि मोनोअनसॅच्युरेटेड फॅट्स असतात. यामुळे हृदयाचे आरोग्य चांगले राहते. हृदया संबंधित आजार दूर ठेवतात. त्यात व्हिटॅमिन बी मुबलक प्रमाणात असते. यामुळे आपल्या त्वचेला फायदा होतो तसेच मधुमेह, कर्करोगासारख्या आजारांना दूर ठेवते. तीळात कॅल्शियम, लिनोलिक आणि ओमेगा-6 अॅसिड देखील भरपूर प्रमाणात असते.

* सूर्यफूलाच्या बिया

सूर्यफूल बियांमध्ये पॉलीअनसॅच्युरेटेड फॅट आणि व्हिटॅमिन ई मुबलक प्रमाणात असते. यात अँटिऑक्सिडेंटचे भरपूर असल्याने शरीरातील पेशीचे आरोय चांगले राहतात. आपल्या त्वचेसाठी आणि केसांच्या आरोग्यासाठी सूर्यफूलयांच्या बिया फायदेशीर असतात. तसेच रक्तातील कोलेस्टेरॉलची पातळी कमी करण्यासाठी मदत करते. यातील मॅग्नेशियम हाडांचे आरोग्य चांगले ठेवण्यास मदत करत.

* भोपळ्याच्या बिया

भोपळ्याच्या बियामध्ये लोह, मॅग्नेशियम आणि जस्त भरपूर असतात. यामध्ये कॅरोटीनोईड्स असल्याने रोगप्रतिकारशक्ती वाढवते.भोपळ्याच्या बियामध्ये व्हिटॅमिन बी चे प्रमाण भरपूर असते. याशिवाय ट्रिप्टोफॅन नावाचे अॅसिड असते यामुळे ताण कमी करण्यास मदत करते

* जवस

जवसामध्ये ओमेगा 3 चे प्रमाण भरपूर असते. यात अल्फा-लिनोलेनिक अॅसिड असल्याने विशेष शाकाहारी लोकांसाठी फायदेशीर आहे. जवसचे सेवन केल्याने शरीरातील जळजळ कमी होते आणि स्तनाचा कर्करोगापासून बचाव होतो.