Slate Pencil Eating: अनेकांना पाटीवरची पेन्सिल खाण्याची सवय असते. विशेषतः गरोदर महिलांमध्ये ही सवय खूप आढळते. महिलांशिवाय मुलंही पेन्सिल खातात. मुलं पाटीवर लिहायला शिकतात तेव्हा गुपचूप पेन्सिल खातात. ज्या लोकांना अॅनिमिया होतो, त्यांना पेन्सिल वारंवार खावीशी वाटते, असे डॉक्टर सांगतात.

या पेन्सिलची चव चांगली असली तरी ती शरीराला खूप हानी पोहोचवते आणि ही हानी दीर्घकाळ राहू शकते. म्हणजे लहानपणीच पेन्सिल खायला सुरुवात केली असेल तर त्याचे दुष्परिणाम तारुण्यातही दिसू शकतात.

बद्धकोष्ठता

स्लेट पेन्सिल ही सहज पचणारी गोष्ट नाही. जेव्हा आपण ती खातो तेव्हा ती शरीराच्या आत जाते. त्यामुळे अनेक वेळा आतड्यांमध्ये अडथळे निर्माण होतात. जेव्हा आपले शरीर ते सहज पचवू शकत नाही, तेव्हा बद्धकोष्ठतेची समस्या पुढील 2-4 दिवस कायम राहते आणि ज्या महिला नियमितपणे स्लेट पेन्सिल खातात, त्यांना बद्धकोष्ठतेची समस्या होते.

मूत्रपिंड समस्या

स्लेट पेन्सिलमध्ये धोकादायक जीवाणू आढळतात, जे शरीरात गेल्यावर किडनीचा संसर्ग पसरवतात आणि परिस्थिती दिवसेंदिवस बिकट होत जाते. अशा स्थितीत जेवणही पचत नाही आणि त्रास वाढतो. भविष्यात यामुळे मुतखडा तयार होतो कारण ही स्लेट पेन्सिल शरीरातच एकत्र होते आणि एक दगड बनत जातो, ज्यामुळे अनेकांना असह्य वेदना होतात.

अशक्त वाटणे

जे पाटीवरची पेन्सिल खातात त्यांना आपोआप भूक कमी लागते. अशा स्थितीत ते जेवणे हळूहळू कमी करतात. असे केल्याने त्यांच्या शरीरातील पोषक तत्वे कमी होऊ लागतात. जेव्हा शरीराला पोषण मिळत नाही तेव्हा आपण कमकुवत होऊ शकतो. जर महिला आणि मुलांना अचानक अशक्तपणा जाणवू लागला आणि वजन कमी झाले तर समजा की त्यांनी स्लेट पेन्सिल खाण्यास सुरुवात केली आहे.

दातांवर परिणाम

स्लेट पेन्सिल खाल्ल्याने दातांवर वाईट परिणाम होतो. लहान मुलांचे दुधाचे दात कधीकधी स्लेट पेन्सिल चावून देखील तुटतात. जे नंतर विचित्र दिसतात. याच्या वापराने जबड्याचेही नुकसान होते.