Skin Care Tips: चेहऱ्यावर चमक दिसण्यासाठी अनेक ब्युटी प्रोडक्टचा वापर केला जातो. अनेक महिला स्क्रबचा वापर करतात. चेहरा स्वच्छ करण्यासाठी, ब्लॅकहेड्स, व्हाईटहेड्स दूर करण्यासाठी स्क्रबचा वापर केला जातो.

अनेक महिला दुसऱ्या किंवा तिसऱ्या दिवशी स्क्रब करतात. जर तुम्ही स्क्रबने चेहरा जास्त घासत असाल त्वचा खराब होऊ शकते. त्यामुळे चेहऱ्यावर स्क्रब करण्यासाठी काळजी घेणे गरजेचे आहे.

• ऑइली स्किन

तेलकट त्वचेवर असलेली घाण स्वच्छ करण्यासाठी स्क्रब करणे फायेदशीर असते. पण दर दोन-तीन दिवसांनी स्क्रब केल्यास त्वचेचे नैसर्गिक तेल निघून जाते. त्यामुळे तेल ग्रंथी आणखी तेल तयार करू लागतात. यामुळे त्वचेवर पिंपल्स आणि बारिक फोड येतात. म्हणूनच ऑइली आणि संवेदनशील त्वचेवर स्क्रब हलक्या हाताने करावे.

• पोर्सचा आकार वाढतो

जर तुम्ही वारंवार स्क्रब केले तर त्वचेच्या बारीक छिद्रांचा आकार वाढतो. त्यामुळे त्वचा खराब दिसू लागते. स्क्रब खूप जोरात केल्याने काही वेळा स्क्रबचे पार्टिकल टोचतात.यामुळे त्वचा खराब होऊ शकते.

• त्वचा घासु नका

जर तुम्ही स्क्रब चेहऱ्यावर जास्त वेळ घासत असाल तर असे करू नका. कारण असे केल्याने त्वचेच्या वरचा संरक्षक थर खराब होतो. त्यामुळे टॅनिंग, रॅशेस, अतिनील किरणांमुळे होणारे नुकसान आणि सनबर्नचा धोका वाढतो.

• ड्राय स्किन

जर त्वचा खूप कोरडी असेल आणि ड्राय पॅचेस असल्यास तर त्वचेवर स्क्रब करू नये. कोरड्या पडलेल्या त्वचेवर स्क्रब केल्याने त्वचा आणखी संवेदनशील बनते. त्यामुळे चेहऱ्यावर सूज येणे, जळजळ होणे यासारख्या समस्या सुरू होतात.यामुळे स्क्रब करतांंना वरील गोष्टी लक्षात ठेवल्या पाहिजे.