Besan For Oily Skin : बेसनचा वापर त्वचा स्वच्छ करण्यासाठी खूप आधीपासून केला जातो. बेसनाचे पीठ थोडेसे खडबडीत असते, त्यामुळे ते त्वचेत खोलवर जाऊन ते त्वचा स्वच्छ करते. याशिवाय बेसनामध्ये असलेल्या पोषकतत्त्वांचेही त्वचेला अनेक फायदे मिळतात.

दुसरीकडे तुम्हाला कोणत्याही प्रकारचे त्वचेचे इन्फेक्शन होत असेल तर साबण किंवा फेसवॉशऐवजी बेसनाचा वापर करणे अधिक फायदेशीर ठरते. त्याचबरोबर पावसाळ्यात त्वचा खूप तेलकट होते. अशा स्थितीत त्वचा स्वच्छ करण्यासाठी बेसनाच्या पीठाने त्वचा तेलकट होण्यापासून वाचवता येते.

(Besan For Oily Skin)

बेसन चेहऱ्यावर लावण्याचे फायदे :

पिंपल्सची तक्रार दूर होते :

बेसन चेहऱ्यावर लावल्याने पिंपल्सची समस्या दूर होते. बेसनमध्ये अँटीबॅक्टेरियल गुणधर्म असतात जे त्वचा स्वच्छ ठेवण्यास मदत करतात. बेसन चेहऱ्यावर लावल्याने त्वचा आतून स्वच्छ होते. त्यामुळे पिंपल्सची समस्या येत नाही.

मृत पेशी काढून टाकते :

बेसन चेहऱ्यावर लावल्याने चेहरा स्वच्छ होतो. बेसनामध्ये असलेले एक्सफोलिएटिंग घटक मृत त्वचा काढून टाकण्यास मदत करतात. त्याचबरोबर बेसन चेहऱ्यावर लावल्याने त्वचेचा रंग उजळतो.

तेलकट त्वचेसाठी फायदेशीर

बेसनाचे पीठ त्वचेतील अतिरिक्त तेल काढून टाकून ती स्वच्छ करते. बेसन नैसर्गिक पद्धतीने त्वचा निरोगी बनवण्यास मदत करते. बेसन दिवसातून केव्हाही लावता येते. बेसन लावल्याने त्वचा स्वच्छ आणि मुलायम होते.