काळे मिरे (Black Pepper) थंडीच्या दिवसात आरोग्यासाठी (Health) लाभदायी असते. पण काळे मिरे उष्ण पदार्थ असल्याने उन्हाळ्यात याचे सेवन करणे टाळावे. यात अॅंटी- ऑक्सिडंट्सचे प्रमाण भरपूर असते. दम्याचा (Asthma) त्रास असणाऱ्यांनी काळे मिरे खावू नाही. कारण यातील तिखटपणा श्वास घेण्यास अडचण निर्माण होते. शिवाय डॉक्टरांचा सल्ला घेवुनच पदार्थांचे सेवन करावे.

* काळे मिरे आरोग्यासाठी फायदेशीर आहे. पण याचे अतिसेवण आरोग्यासाठी धोका निर्माण करू शकते. अतिसेवण केल्याने पोटात उष्णता वाढून बद्धकोष्ठता, मूळव्याध यासारख्या समस्या निर्माण होऊ शकतात. तसेच अनेकांना पित्ताचा त्रास होऊ शकतो.

* गर्भवती महिलांनी काळी मिरे खाणे टाळावे. गर्भवस्थेत असताना महिलांनी उष्ण पदार्थांचे सेवन करणे टाळावे. कारण काळे मिरे खाल्ल्याने शरीरातील उष्णता वाढू शकते. यामुळे काळ्या मिऱ्याचे मर्यादित सेवन करावे.

* काळी मिरे अधिक खाल्ल्याने आपली त्वचा कोरडी पडू शकते. जर तुमची त्वचा आधीच कोरडी असेल तर या पदार्थाचे सेवन करणे टाळावे. अतिसेवण केल्यास पित्त वाढू शकते. तसेच ज्यांच्या चेहऱ्यावर मुरूम आहे त्यांनी काळ्या मिरीचे सेवन करणे टाळावे.

* ज्या लोकांना आधीपासूनच गॅस आणि अॅसिडिटीचा त्रास असतो त्या लोकांनी काळ्या मिरेचे सेवन टाळावे. काळे मिरे चवीला तिखट असल्याने अल्सर होण्याचा धोका निर्माण होऊ शकतो. यामुळे मर्यादित प्रमाणात काळ्या मिरेचे सेवन करावे.