श्रावण महिना 14 जुलैपासून सुरू होत आहे. श्रावण महिन्यात भगवान शिवाची आपल्या भक्तांवर विशेष कृपा असते. ज्योतिषी सांगतात की, श्रावण महिना असा महिना आहे ज्यामध्ये काही रोपे लावल्याने माणसाचे नशीब चमकु शकते. जाणून घेऊया श्रावण (Shrawan) महिनामध्ये कोणती झाडे लावने ठरू शकते फायदेशीर. (Shrawan 2022 plants news)

* बेलाच्या पानांचे रोप

श्रावण महिन्यात भोलेनाथांचे भक्त शिवलिंगाला बेलची पाने अर्पण करतात. बेलची पाने भगवान शंकराला अतिशय प्रिय आहेत. वास्तूनुसार घरात या रोपाची लागवड केल्याने वास्तुदोष दूर होतात. ज्या घरात बेलच्या पानांचे रोप असेल त्या घरात कधीही पैशाची कमतरता भासत नाही.

* तुळशीचे रोप

श्रावण महिन्यात (Shrawan Month) घराच्या अंगणात तुळशीचे रोप लावणे खूप शुभ मानले जाते. कार्तिक महिन्यात तुळशीचे रोप लावणे देखील शुभ मानले जाते. घराच्या सुख-समृद्धीसाठी तुळशीच्या रोपाची नियमित पूजा करावी.

* केळीचे झाड

एकादशीला घराच्या मागे केळीचे झाड लावणे शुभ मानले जाते. ते कधीही घरासमोर लाउ नये. वैवाहिक जीवनातील समस्या दूर करण्यासाठी केळीच्या रोपाला नियमित पाणी घालावे.

* शमीचे रोप

श्रावण महिन्यात शनिवारी शमीचे रोप लावने शुभ मानले जाते. घराच्या मुख्य दरवाजाच्या डाव्या बाजूला रेप लावावे.

* पिंपळाचे रोप

तुम्ही श्रावण महिन्यात पिंपळाचे रोप देखील लावू शकता. रोज पाणी देऊन प्रदक्षिणा घातल्याने मुलांशी संबंधित दोष किंवा समस्या नष्ट होतात. शनिवारी संध्याकाळी पिंपळाखाली मोहरीच्या तेलाचा दिवा लावावा. असे केल्याने अपघात होण्याची शक्यता कमी होते.