दिवसभर धावपळीत गेल्यानंतर प्रत्येक माणसाला रात्री शांत झोपेची आवश्यकता असतेच. पुरेशी झोप न मिळाल्यामुळे अनेक व्याधी निर्माण होतात, शरीराचे चक्र बिघडते.

आरोग्यपूर्ण आयुष्यासाठी पुरेशी झोप महत्त्वाची आहे, त्यामुळे झोपेचे महत्त्व जाणून घेणे गरजेचे आहे. झोप ही शांत, गाढ व स्थिर असायला हवी. काही जणांना सहा ते सात तास, तर काहींना आठ तास झोप हवी असते. शांत झोपेसाठी तुम्ही खालील उपाय करू शकता :-

प्राणायाम

जर तुम्हाला रात्री झोपे न येण्याची समस्या होत असेल तर प्राणायाम तुमच्यासाठी झोपेचे औषध म्हणून काम करू शकतो. अनुलोम विलोम प्राणायाम केल्याने शरीराला आराम मिळतो, बॉडी रिलॅक्स होते आणि चांगली झोप लागते. दररोज सकाळी 5 मिनिटे प्राणायाम केल्यास ते तुमच्यासाठी फायदेशीर ठरू शकते.

लाइफस्टाइल

जर तुम्हाला झोप न लागण्याचा त्रास होत असेल तर तुम्ही हे रूटीन फॉलो करणे गरजेचे आहे. जेवल्यानंतर 100 पावले चालणे, रात्री 10 वाजण्यापूर्वी झोपणे, फोन, लॅपटॉप, टीव्ही यांसारख्या इलेक्ट्रॉनिक उपकरणांचा झोपण्याच्या एक तास आधी न करणे.

डाएट

निद्रानाशाच्या समस्येने त्रस्त असलेल्या व्यक्तीला आहार घेण्याच्या पद्धतीत काही बदल करणे आवश्यक आहे. जसे की, संध्याकाळी चहा किंवा कॉफी टाळणं, सूर्यास्तापूर्वी जेवणे, गरम अन्न खाणे