Monsoon Evening Snacks: पावसाळा सुरू झाला की लोकांना चहा आणि भजी खायला आवडते. पावसाळ्यात वाफाळलेला चहा आणि गरमागरम, कुरकुरीत भजी दिसली कि तोंडाला पाणी आल्याशिवाय राहत नाही.

अनेकजण पावासाळ्यातल्या स्वर्गसुखाचा आनंद घेण्यासाठी चहा आणि त्यासोबत अनेक प्रकारची भजी खातात. पावसाळ्यात बनवायला अतिशय सोपे आणि खायला अतिशय चविष्ट असल्याने पावसाळा अविस्मरणीय बनतो.

• कांदा भजी

पाऊस आला की अनेक लोकांना कांदा भजी आठवतात. कमीत कमी वेळात चांगलं आणि चविष्ट पदार्थ खाऊन भूक भागवण्यासाठी कांदा भजी हे एक उत्तम पर्याय आहे. कांदा भजी खाल्ल्याने शरिराची रोगप्रतिकारशक्ती वाढते.

• पालक भजी

पावसाळ्यात सर्वात जास्त प्रमाणात पालक भजी खाल्ली जातात. संध्याकाळी चहासह या भज्यांचा आस्वाद घेतल्यास मन तृप्त होते. हिरवी मिरची आणि पालक हे दोन्ही घटक शरीरासाठी आरोग्यदायी आहेत. त्यामुळे शरीरातील रक्त शुद्ध होते व शरीरातील हिमोग्लोबिनची पातळी संतुलित राहते.

• मेथी भजी

हिरवी मेथी किंवा मेथीच्या पानांचा सुगंध हा अनेकांना आवडतो. बेसन पीठात मिसळून तयार केलेल्या मेथीच्या पानांच्या भजी पावसाळ्यात अनेक लोक आस्वाद घेतात. चहासह या भजींची मज्जा अधिक द्विगुणित होते.

• घोसाळ्या भजी

अनेक लोक पावसाळ्यात मोठ्या आवडीने घोसाळ्याची भजी खातात. घोसाळी खाल्ल्याने पोटावरची चरबी कमी होण्यास मदत मिळते. घोसाळ्याचे गोल तुकडे करावे. नंतर बेसणमध्ये तिखट,हळद,मीठ, ओवा टाकुन घोसाळ्याचे गोल तुकडे टाकावे आणि तळावे. ही भजी तुम्ही चहासोबत किंवा टोमॅटो सॉससह खाऊ शकता.

• मुग भजी

मुगाची डाळ ही आरोग्यासाठी फायदेशीर असते. ही डाळ पचायला हलकी असते. मुगाच्या डाळीचे भजी बनण्यासाठी मुगाच्या डाळीची पेस्ट करून त्यात तिखट,हळद, ओवा मिक्स करुन बनवले जातात. या भजींचा आस्वाद हिरवी चटणी किंवा चहासोबत घेऊ शकता.

• बटाटा भजी

आलू भजी खाणे आरोग्यासाठी फायदेशीर असते. पावसाळ्यात गरमागरम आलू भजी खायला कोणाला आवडत नाही...? बटाटा कोलेस्टॉलची पातळी कमी करण्यास मदत करते. बटाट्यामध्ये व्हिटॅमिन ए, सी, बी कॉम्प्लेक्स आणि कार्बोहायड्रेट्स आढळतात.