Tea:चहा म्हणजे अनेकांचे आवडते पेय असते.त्याचबरोबर,चहाशिवाय अनेकांचा दिवसही सुरु होत नाही.चला तर मग जाणून घेऊयात आंतरराष्ट्रीय चहा दिनाबद्दल काही खास गोष्टी. चहाच्या उत्पादनाला शाश्वत विकास ध्येयाबरोबर जोडले आहे.

गरिबीचे समूळ उच्चाटन करणे,भूकबळी कमी करणे, महिलांना सक्षम बनवणे तसेच जैवविविधतेचा योग्य वापर करुन घेणे या शाश्वत विकास ध्येयासोबत जोडले आहे. ग्रामीण भागाचा विकास करणे हा चहाच्या उत्पादनाला शाश्वत विकासाच्या ध्येयाबरोबर जोडण्याचा उद्देश आहे.

एका सर्वेक्षणानुसार चहाची निर्मिती करणारा भारत हा जगातला दुसऱ्या क्रमांकाचा देश आहे. भारतात आसाम, दार्जिलिंग, निलगिरी, डेहराडून, मणिपूर, तराई, त्रावणकोर इत्यादी ठिकाणी चहाचे मळे आहेत. चहाच्या उत्पादनात भारताचा जगात प्रथम क्रमांक लागतो.भारतात वाणिज्य मंत्रालयाच्या अंतर्गत स्थापन केलेला टी बोर्ड कोलकत्ता येथे आहे. चहाचे उत्पादन घेण्यासाठी १८ डिग्री सेल्सिअस इतके तापमान गरजेचे असते. तसेच १५० ते २५० सेंटीमीटर इतका पाऊस लागतो.चहाचे वेगवेगळे प्रकार आज बाजारात आपल्याला दिसून येतात. इतकेच नाही तर भारतात सर्वप्रथम दार्जीलिंगच्या चहाला त्याच्या सुगंध आणि चवीमुळे GI टॅग मिळाला होता.