दररोज एक ग्लास वाइन पिल्याने हृदयविकाराचा झटका किंवा स्ट्रोकचा धोका कमी होतो, असे बार्सिलोना विद्यापीठाच्या संशोधनातून दिसून आले आहे. एका स्पॅनिश संशोधनात हृदयविकाराचा धोका जास्त असलेल्या आणि मेडिटेरियन डाइटचे पालन करणाऱ्या लोकांवर मद्य सेवनाच्या परिणामाचा अभ्यास करण्यात आला.

मेडिटेरियन डाइट हा वनस्पती-आधारित आहार आहे, जो आरोग्यासाठी खूप चांगला मानला जातो. यामध्ये फळे आणि भाज्या अधिक खाल्ल्या जातात आणि दुधाचे पदार्थ, अंडी, मांस किंवा प्रक्रिया केलेले पदार्थ टाळले जातात. या आहारात साखर किंवा मीठ देखील मर्यादित प्रमाणात वापरले जाते.

जे लोक दररोज अर्धा ते एक ग्लास रेड वाईन पितात त्यांना हृदयविकाराचा झटका किंवा स्ट्रोक सारख्या गंभीर हृदयविकाराच्या समस्या होण्याची शक्यता ज्यांनी खूप कमी वाइन प्यायली आणि अजिबात प्यायली नाही याच्या तुलनेत 50 ने कमी असते. तसेच, अल्कोहोलचे प्रमाण कमी ठेऊन, कोणी आठवड्यातून एक ग्लास ते दररोज अर्धा ग्लास घेत असेल तर त्याला हृदयाशी संबंधित समस्यांचा धोका ३८ टक्क्यांनी कमी झाला, असे संशोधनात आढळून आल्याचा दावा संशोधकांनी केला आहे.

संशोधनात काय आढळले?

१) बार्सिलोना युनिव्हर्सिटीचे रिसर्च लीडर प्रोफेसर रेमन ॲस्ट्रुक म्हणाले, 'इतर संशोधनाच्या तुलनेत आम्हाला अल्कोहोलचे अधिक सकारात्मक परिणाम आढळले आहेत. आम्हाला जोखीम मध्ये 50 टक्के कपात झाल्याचे आढळले.

२) संशोधनात सहभागी सुमारे 1232 सहभागी मेडिटेरियन डाइट घेत होते आणि त्यांना टाइप 2 मधुमेह, धूम्रपान किंवा उच्च कोलेस्ट्रॉल होते, ज्यामुळे हृदयाशी संबंधित समस्यांचा धोका वाढतो. सहभागींना त्यांच्या आहाराबद्दल विचारण्यात आले आणि त्यांची लघवीची चाचणी घेण्यात आली ज्यामध्ये टार्टेरिक ऍसिडची पातळी तपासण्यात आली.

३) हे रसायन नैसर्गिकरित्या द्राक्षे आणि वाइन सारख्या द्राक्ष उत्पादनांमध्ये आढळते आणि मूत्रमार्गे उत्सर्जित होते. दरम्यान, संशोधनात सहभागी नसलेल्या तज्ञांनी जास्त प्रमाणात मद्यपान करणे हानिकारक असू शकते, असा इशारा दिला.

४) कमी किंवा मध्यम प्रमाणात मद्यपान केल्याने हृदयविकाराचा धोका कमी होतो, परंतु रेड वाईनची बाटली पिणे हेच सर्व काही नाही, असे ब्रिटीश हार्ट फाऊंडेशनच्या वरिष्ठ आहार तज्ञ ट्रेसी पार्कर म्हणाल्या.

५) दरम्यान, ही बाब लक्षात घ्यायला हवी की रेड वाइन आणि हृदयाच्या समस्यांमधील संबंध दिसून येतो पण, पूर्णपणे सत्यापित करत नाही. यासाठी अजून संशोधनाची गरज आहे. जास्त मद्यपान केल्याने हृदय आणि रक्त परिसंचरण संबंधित समस्या जसे उच्च रक्तदाब, यकृत समस्या आणि काही प्रकारचे कर्करोग देखील होऊ शकतात, असे संशोधकांनी स्पष्ट केले आहे.