प्रत्येक ऋतूमध्ये फळे खाणे आरोग्यासाठी फायदेशीर असते. विशेषतः उन्हाळ्यात फळे खाणे आवश्यक आहे. यामुळे रोगप्रतिकारशक्ती तर मजबूत राहते तसेच आरोग्य आणि त्वचाही निरोगी राहते. पण फळांचे (Fruits) पूर्ण पोषण मिळवण्यासाठी फळे खाताना काही चुका करणे टाळले पाहिजे.

* फळ कापून ठेवू नये
अनेक लोक सकाळी फळे खाण्यासाठी कापून ठेवतात. पण असे केल्याने फळांमधील अर्ध्याहून अधिक पोषक तत्वांचा नाश होतो. जेव्हा तुम्हाला फळे खायची असेल तेव्हाच कापावी.

* फळांवर जास्त मीठ टाकू नये
फ्रूट सॅलड बनवून खाताना त्यावर जास्त मीठ टाकू नये. मिठाचे अधिक सेवन करणे आरोग्यासाठी घातक ठरू शकते. विशेषत: यामुळे फळांचे पोषण मिळत नाही आणि अतिरिक्त सोडियम देखील आपल्या शरीरात जाते.

* आंबट फळांसह कॉफी-चहा घेणे टाळावे
अनेकदा लोक फ्रूट सॅलडसोबत कॉफी पिताना दिसतात. यामुळे त्वची संबंधित आणि पोटासंबंधीत आजार उद्भवू शकतात.यामुळे फळांचे सेवन केल्यानंतर चहा किंवा कॉफी पिणे टाळावे.

* सफरचंद सेवन सालीसह करावे
अनेकांना सफरचंदाची साल आवडत नाही. यामुळे साल काढून सफरचंद खातात. पण सर्वाधिक पोषक घटक हे सफरचंदाच्या सालीमध्ये असते. यामुळे निरोगी आरोग्यासाठी सफरचंद सोललेले कधीच खाऊ नये.