Evening Snacks Recipe: तुम्ही रव्यापासून बनवलेले उपीट, ढोकळा यासारख्या पदार्थांचा आस्वाद घेतला असेल, पण तुम्ही कधी रवा कचोरी रेसिपी करून पाहिली आहे का? जर नसेल तर यावेळी तुम्ही नाश्त्यात रवा कचोरीची ट्राय करु पाहा.ही रेसिपी बनवायला खुप सोपी आहे. चला तर मग जाणून घेऊया रवा कचोरीची कशी बनवायची.

• लागणारे साहित्य कोणते

एक वाटी रवा

एक ग्लास पाणी

अर्धा चमचा चिली फ्लेक्स

दोन उकडलेले बटाटे

एक शिमला मिरची

एक गाजर

कोथिंबीर

अर्धा चमचा लाल तिखट

अर्धा चमचा धनेपूड

अर्धा चमचा जिरेपूड

आवश्यक तेल

मीठ गरजेनुसार

• कृती

रवा कचोरी बनवण्यासाठी प्रथम सर्व भाज्या नीट धुवून बारीक चिरून घ्या.

आता एका कढईत पाणी गरम करून त्यात चिली फ्लेक्स टाका, नंतर दोन चमचे तेल घाला.

यानंतर पाण्यात मीठ आणि रवा टाका.

नंतर सर्व पाणी सुटेपर्यंत रवा ढवळत राहा.

आता हे रव्याचे पीठ करून बाजूला ठेवा.

नंतर उकडलेले बटाटे मॅश करून त्यात चिरलेली सिमला मिरची, गाजर, कोथिंबीर, मीठ, लाल तिखट, धनेपूड, जिरेपूड घालून चांगले मिक्स करून सारण तयार करा.

नंतर रव्याच्या पिठाचा मोठा गोळा घेऊन त्यात एक चमचा सारण भरून कचोरीचा आकार द्या.

आता कढईत तेल गरम करून त्यात कचोऱ्या तळून घ्या.

तुमची गरमागरम रवा कचोरी तयार आहे.

तुम्ही टोमॅटो सॉससोबत सर्व्ह करू शकता.