Tea Time Snacks: संध्याकाळी भुक लागल्यावर लहान मुलांना काही तरी चटपटीत स्नॅक्स हवे असते. रोज ठाराविक पदार्थ खायला कंटाळा आला असेल तर तुम्ही बटाट्यापासून पोटॅटो बाइट्स खास रेसिपी बनवू शकता. तुम्ही घरच्या घरी कुरकुरीत पोटॅटो बाइट्सची आस्वाद घेऊ शकता. लहान मुले आणि मोठ्यांना हा स्नॅक नक्की आवडेल. चला तर मग जाणून घेऊया क्रिस्पी पोटॅटो बाइट्स बनवण्याची रेसिपी.

• क्रिस्पी पोटॅटो बाइट्स बनवण्यासाठी लागणारे साहित्य

बटाटे

कॉर्न फ्लोअर

किसलेले पनीर

बारीक चिरलेली कोथिंबीर

काळी मिरी पावडर

ओरेगॅनो

चिली फ्लॅक्स

तेल

मीठ चवीनुसार

• क्रिस्पी पोटॅटो बाइट्स बनवण्याची कृती

क्रिस्पी पोटॅटो बाइट्स बनवण्यासाठी सर्वात पहिले बटाटे स्वच्छ धुवावे. यासाठी बटाट्याचे ४ तुकडे करावे. नंतर एका भाड्यांत पाणी गरम करून त्यात बटाटे उकळावे.नंतर हे बटाटे मिक्सरमध्ये बारिक करून घ्यावे.

नंतर बटाट्यामध्ये मीठ, काळी मिरी पावडर, ओरेगॅनो, बारिक चिरलेली कोथिंबीर , किसलेले पनीर आणि चिली फ्लेक्स घालावे. सर्व मिश्रण चांगले मिक्स करावे. नंतर त्यात कॉर्न फ्लोअर घालून पुन्हा मिक्स करावे. त्याला गोल आकार देऊन छोटे बॉल बनवून घ्यावे. नंतर गरम तेलात सोनेरी रंगात तळून घ्यावे. तयार आहेत तुमचे पोटॅटो बाइट्स. सॉस किंवा चटणीसोबत आस्वाद घेऊ शकता.