मुलांना जेवणासाठी काय द्यायचे याबाबत अनेक महिला अनेकदा गोंधळून जातात. त्याच वेळी, मुले खाण्यापिण्याबद्दल खूप किच-किच करतात. जर तुम्हाला तुमच्या मुलांना आरोग्यदायी (Healthy) आणि चवदार काहीतरी द्यायचे असेल तर त्यांच्यासाठी फ्रूट सँडविच उत्तम असू शकते. या सँडविचची खास गोष्ट म्हणजे तुम्ही हे काही मिनिटांमध्ये तयार करू शकता. तसेच ते पौष्टिक गुणधर्मांनी परिपूर्ण आहे. तुमचे मूल सुध्दा आवडीने हा पदार्थ खातील. चला जाणून घेऊया हेल्दी फ्रूट सँडविचची रेसिपी- (Fruit Sandwich Recipe News)

फ्रूट सँडविच बनवण्यासाठी लागणारे साहित्य

• ब्रेडचे तुकडे - 5

• मलाई - 3 चमचे

• द्राक्षे - 10-12

• आंबा बारिक चिरलेला - 1/2 कप

• सफरचंद चिरून - 1/2 कप

• जॅम (3-4 प्रकार) - आवश्यकतेनुसार

• अक्रोड पावडर - आवश्यकतेनुसार

फ्रूट सँडविच बनवण्यासाची पध्दत

• लहान मुलांसाठी फ्रूट सँडविच (Fruit Sandwich) तयार करण्यासाठी, प्रथम ब्रेडचे दोन तुकडे करा. नंतर त्याच्या कडा कापून घ्या.

• यानंतर आंबा, द्राक्षे आणि सफरचंद या फळांचे छोटे तुकडे करा.

• यानंतर, सर्व प्रकारचे जाम वेगवेगळ्या भांड्यात काढा.

• आता हे जाम ब्रेडच्या स्लाइसवर लावा. त्यावर अक्रोड पावडर घाला.

• ब्रेडवर जॅम लावल्यानंतर त्यावर मलाई टाका आणि सर्व बाजूंनी चांगले पसरवा.

• यानंतर त्यावर सर्व प्रकारची फळे घाला. त्यावर ब्रेड ठेवा.

• आता त्याचे दोन भाग करा आणि मुलांच्या टिफिनमध्ये पॅक करा.

• हे फ्रूट सँडविच नक्की घरी करून पहा.