Home Tips For Cleaning: अनेक लोकांना घर स्वच्छ ठेवण्याची आवडते असते. पण अनेकवेळा घर स्वच्छ करून देखील काही तरी राहूनच जाते. ते म्हणजे दार आणि खिडक्यांचे हँडल. हे स्वच्छ करायला खुप वेळ जातो. तसेच हे काम करणे कठिण देखील आहे.

धूळ वारंवार साचल्यामुळे आणि सतत हात लावल्याने हँडल काळे होतात. त्यामुळे ते अगदी घाणेरडेही दिसतात. लोक त्यांना स्वच्छ करण्यासाठी अनेक मार्गांनी प्रयत्न करतात, पण रिझल्ट दिसत नाही. चला तर मग जाणून घेऊया सिंपल टिप्स ज्यामुळे हँडल स्वच्छ होतील.

• तांबे आणि पितळा हँडल

बहुतेक लोक घराच्या दारात पितळ किंवा तांब्याचे हँडल लावतात. सुरुवातीला ते आश्चर्यकारक दिसते. पण त्यांना रोज स्पर्श केल्याने ते काळे होतात आणि नंतर खूप घाण दिसतात. अशावेळी तुम्ही त्यांना स्वच्छ करण्यासाठी घरगुती उपायांचा वापर करू शकतात.

1 चमचा मैदा, 1 चमचा पांढरा व्हिनेगर आणि 1 चमचे मीठ मिक्स करा. ही पेस्ट पितळेच्या किंवा तांब्याच्या हँडलवर चोळा. 2-3 मिनिटे राहू द्या, आता कोमट पाण्याने स्वच्छ करा. हे हँडल्स नवे दिसेल. 

• क्रोम आणि निकेल हँडल

आजकाल क्रोम आणि निकेलचे डोअर हँडल ट्रेंडमध्ये आहेत. आपण त्यांना नियमितपणे स्वच्छ न केल्यास त्यांची चमक कमी होते.  ते स्वच्छ करण्यासाठी तुम्ही 1/2 चमचे डिशवॉश लिक्विड, 1 ग्लास पाण्यात मिक्स करा आणि चांगले मिक्स करावे. हे मिश्रण स्प्रे बाटलीत भरा.

आता हँडलवर स्प्रे करा आणि मऊ कापडाच्या मदतीने स्वच्छ करा. तुमचे दाराचे हँडल चांदीसारखे चमकू लागतील.

• स्टेनलेस स्टील हँडल

तुमच्याकडे स्टेनलेस स्टीलच्या दरवाजाची हँडल असल्यास, ते स्वच्छ करण्यासाठी सामान्य डिश वॉशिंग लिक्विड पाण्यात मिक्स करून हँडलवर लावावे आणि कापडाने घासून घ्यावे.

जर हँडलवर जास्त डाग पडले असतील तर ते स्वच्छ करण्यासाठी ऑलिव्ह ऑईल आणि व्हाईट व्हिनेगरचे मिश्रण तयार करावे. कापडाच्या मदतीने हँडलवर लावा आणि स्वच्छ करावे. असे केल्याने हँडल नव्यासारखे चमकेल.

(Disclaimer - या लेखात देण्यात आलेली माहिती ही सर्वसामान्य ज्ञानावर आधारित असून अवलंब करण्यापूर्वी तज्ज्ञांचा सल्ला घ्यावा.)