Health Tips: तोंडाचा सारखा वास येणं उत्तम आरोग्याचं लक्षण नाही. तोंडाचा वास आल्याने अनेकदा आपल्यामुळे समोरच्या व्यक्तीला किळसवाणे वाटू शकते. आपण कितीही चांगले कपडे घातले तरी तोंडाला येणाऱ्या खराब वासामुळे लोकांसमोर आपली फजिती होते. ते टाळायचे असेल तर काही आयुर्वेदिक उपाय सांगितले जातात.

दरम्यान, त्याबाबत आपण आज जाणून घेऊयात. त्याआधी आपण तोंडाच्या दुर्गंधी मागील कारणे जाणून घेणार आहोत. दातांची काही समस्या असल्यास तोंडाचा वास अधिक येतो. दातांची अस्वछता हे त्यामागचे सर्वात मोठे कारण आहे. कॅव्हिटीजमुळे पण तोंडाचा वास येतो. चुकीच्या प्रकारे जेवणात काही खाल्लं तरी तोंडाचा वास येतो.

तसेच, लसून तसेच कच्चा कांदा (Onion) जेवताना खाल्ला की तोंडाचा खराब वास जास्त येतो. पोट खराब असल्यावर, अपचन होत असल्यावर तोंडाची दुर्गंधी वाढते. बरेच लोक क्रॅश डाएट किंवा हायड्रेशनची काळजी घेत नाहीत, त्यामुळे तोंडातून दुर्गंधी येऊ लागते. खाण्याव्यतिरिक्त इतर अनेक आजारांमुळे तोंडातून दुर्गंधी येऊ लागते.

उदाहरणार्थ, मधुमेह आणि किडनीच्या समस्यांमुळे तोंडातून दुर्गंधी येणे सुरू होते. तोंडाच्या दुर्गंधीला दूर करण्यासाठी काही महत्वाचे आयुर्वेदिक उपाय सांगितले जातात. सकाळी उठल्यानंतर निंबाच्या तसेच लवंगयुक्त टुथपेस्टचा वापर करावा. यामुळे दातही सुरक्षित राहतील आणि कोणत्याही प्रकारचा वास येणार नाही.

याशिवाय तुम्ही त्रिफळा पावडर देखील वापरू शकता. किचनमध्ये असलेली बडीशेप ही अशीच एक गोष्ट आहे, ज्याचा वापर करून तोंडातील दुर्गंधी सहज दूर केली जाऊ शकते. बडीशेपबाबत डॉक्टर (Doctor) देखील याचे सेवन करण्याचा सल्ला देतात.

यामुळे तोंडाचा वास तर दूर होतोच पण तो ताजातवाना राहतो. वेलचीच्या वापरानेही तोंड ताजे ठेवता येते. तसेच तोंडाच्या दुर्गंधीची समस्या या उपायांमुळे दूर करणे शक्य होईल.