High Blood Pressure: मधुमेही लोकांच्या आरोग्याशी संबंधीत एक महत्वाची समस्या म्हणजे हाय ब्लडप्रेशर. डायबिटीज असलेल्या रुग्णांना काही काळानंतर हाय ब्लडप्रेशरचा त्रास सुरु होतो. त्याविषयी दुर्लक्ष केले तर आरोग्यावर गंभीर परिणाम होतात.

यामुळे हृदयविकाराचा झटका, मूत्रपिंड निकामी होणे, स्मृतिभ्रंश होण्याचा धोका असतो. लठ्ठपणा, धूम्रपान, दारु पिणे, बैठी जीवनशैली, अनुवांशिकता या कारणांमुळे उच्च रक्तदाबाचा त्रास उद्भवतो.

जर तुमचा रक्तदाब 140/90 mmHg किंवा त्यापेक्षा जास्त असेल तर समजावे, तुम्हाला उच्च रक्तदाब असू शकतो. पण उच्च रक्तदाबाची अशी काही ठळक लक्षणे नाहीत. त्यामुळे या आजाराचे निदान होण्यास बराच वेळ जातो. वर्ल्ड हेल्थ ऑर्गनायझेशनच्या मते, भारतातील प्रत्येक 4 लोकांपैकी एका व्यक्तीला उच्च रक्तदाबाचा त्रास होतो. उच्च रक्तदाब (High Blood Pressure) ज्यामुळे वाढतो ते गोष्टी कोणत्या? याबाबत आपण जाणून घेऊयात.

स्लीप एपनिया दरम्यान रक्तातील ऑक्सिजनच्या पातळीत अचानक घट झाल्याने रक्तदाब वाढतो आणि हृदय, रक्तवाहिन्यांशी संबंधीत प्रणालीवर ताण येतो. अशा परिस्थितीत तज्ञ, रोज 7 ते 8 तास शांत झोप घेण्याचा सल्ला देतात.

तसेच पॅकबंद आणि प्रक्रिया केलेले अन्न पदार्थ शरीराला अपायकारक असतात. तसेच फास्ट फूड, चिप्स, कुकीज आणि सॉस या पदार्थांमध्ये जास्त प्रमाणात सोडीयम असते. ज्याचा रक्तदाबावर थेट परीणाम होतो. प्रक्रिया केलेल्या अन्नामुळे वजन वाढते, ज्यामुळे हृदयाला रक्त पंप करणे कठीण होते.

दरम्यान, सामान्य डोकेदुखी, सांधेदुखीचा त्रास होत असल्यावर अनेकांना सतत पेनकिलर घेण्याची सवय असते. या गोळ्यांमुळे लगेच आराम मिळतो. पण यामुळे बीपीचा त्रास होतो. व्यस्त जीवनशैलीमध्ये काम आणि पर्सनल लाईफ यांचा बॅलन्स ठेवणं अवघड जातं. ताण-तणाव वाढतो. एकाकीपणा येऊन नैराश्य (Stress) वाढते. वाढत्या ताण-तणावामुळे उच्च रक्तदाब वाढतो.