hair fall tips try hair loss in young age try these home remedies for healthy hair

आजकाल अनेक लोकांचे कमी वयात केस गळतात. वयाच्या 20 व्या वर्षी मुला-मुलींचे केस गळायला लागतात. कमी वयात केस गळण्याची समस्या हार्मोनल बदल आणि वाईट जीवनशैलीमुळे होऊ शकते.

केसगळतीची समस्या असल्यास केसांची खास काळजी घेणे आवश्यक आहे. केस गळण्यावर कसे नियंत्रण ठेवावे हे जाणून घेऊया.

केस गळतीची समस्या अशी करा दूर

वयाच्या 18-20 व्या वर्षी मुले स्टायलिश राहण्यासाठी केसांना तेल लावत नाही. पण त्यामुळे केस गळू शकतात. केस गळत असतील तर रोज केसांना तेल लावावे.

मुलींना त्यांचे केस खुले ठेवायला आवडतात. यामुळे केस खराब होतात. केसांमध्ये घाण जमा होते. आपले केस शक्य तितके बांधून ठेवावे.

केस स्वच्छ ठेवणे खूप महत्वाचे आहे. आठवड्यातून किमान दोन-तीन वेळा शॅम्पू आणि कंडिशनर वापरावे. केसांची काळजी घेण्यासाठी कंगवा देखील स्वच्छ करणे आवश्यक आहे.

केसांना स्टायलिश बनवण्यासाठी हेअर केअर प्रोडक्ट आणि हिटिंग टूल अति वापरणे टाळावे. यामुळे केस कमकुवत होतात.

या टिप्स फॉलो केल्यास गळणार नाहीत केस

केस गळण्याची समस्या अनेक कारणांमुळे उद्भवू शकते. केस गळण्याची समस्या कमी करणे गरजेचे आहे. केसांमध्ये पोषक तत्वांच्या कमतरतेमुळे केस गळतात. यासाठी केसांना पोषण देणे महत्त्वाचे असते.

केसांचे पोषण मिळण्यासाठी डाळी, अंडी, दूध, पालक यासारख्या पदार्थांचा आहारात समावेश करावा. तणावामुळे देखील केस गळू शकतात. हे टाळण्यासाठी श्वासोच्छवासाचे व्यायाम करून तणाव दूर करा. केस गळणे टाळण्यासाठी, आपल्या केसांच्या मुळात तेलाने मसाज करावी आणि पुरेशी झोप घ्यावी. झोपेच्या कमतरतेमुळे तणाव निर्माण होऊ शकतो. त्यामुळे केस गळतात.