Frozen Food: आजच्या बदलत्या जीवनशैलीत आपल्या राहण्या-खाण्याच्या सवयीदेखील बदलल्या आहेत. ताजी फळे किंवा ताजा भाजीपाला आपल्या आरोग्यासाठी उपयुक्त असल्याचे म्हटले जाते.

मात्र अनेकदा ताज्या भाजीपाल्याऐवजी फ्रोझन फूड खाण्याकडे लोकांचा कल वाढल्याचे दिसून येत आहे. लवकरात लवकर आणि हवे तेव्हा हे फ्रोझन केलेले अन्न उपलब्ध होत असले तरी त्याचा आपल्या आरोग्यावर वाईट परिणाम होत असल्याचे मत तज्ञांनी व्यक्त केले आहे.

पौष्टिकतेचा अभाव

फ्रोझन केलेल्या अन्नातील अनेक पोषक तत्वे नष्ट होतात. अशा स्थितीत तुम्ही जे अन्न खात आहात ते हेल्दी डाएट समजून तुमची भूक तर शमवते, पण त्यातून शरीराला पोषक तत्व मिळत नाहीत. त्यामुळे शरीरात पौष्टिकतेची कमतरता भासू शकते.

नैसर्गिक चव कमी

फ्रोझन फूड्सची चव ताज्या पदार्थांच्या तुलनेत किंचित वाईट असते हे तुमच्या अनेकदा लक्षात आले असेल. याचे कारण म्हणजे त्याचा ताजेपणा टिकवून ठेवण्यासाठी भरपूर प्रिझर्व्हेटिव्ह्जचा वापर केला जातो ज्यामुळे अन्नाची चव बर्‍याच प्रमाणात बदलू शकते.

पॅकेजिंग रसायनांमुळे होणारी हानी

प्लास्टिक किंवा इतर रसायने सामान्यतः गोठवलेल्या पदार्थांच्या पॅकेजिंगमध्ये वापरली जातात, ज्याचा वापर अन्नाचा ताजेपणा राखण्यासाठी केला जातो. या रसायनांमधून बाहेर पडणारे वायू आणि इतर रसायने आपल्या शारीरिक आरोग्यावर परिणाम करू शकतात. त्यामुळे कर्करोगासारख्या धोकादायक आजाराचा धोका वाढतो.

ब्लड प्रेशर वाढते

फ्रोझन फूड मुळे तुमच्या रक्तदाबावर परिणाम होतो. याबरोबरच त्याचा परिणाम धमन्यांवर देखील परिणाम होतो.

डोकेदुखी

तुम्हाला डोकेदुखीला सामोरे जावे लागू शकते. गळ्याला सूज येण्यासारखे प्रकारही अनेकांच्या बाबतीत घडतात. स्नायूवरदेखील वाईट परिणाम होतो.