रंगांचा उत्सव म्हणजे होळी (Holi) 18 मार्च ला साजरा केला जाणार आहे. विशेषत: लहान मुलांचा हा आवडता सण आहे. लहान मुलांची होळीसाठी तयारीला लागले आहेत. पण एक छोटीशी चूक त्यांना अडचणीत आणू शकते. विशेषत: लहान मुलांच्या आरोग्याची (Health) काळजी घेणे गरजेचे आहे.

* मुलांवर लक्ष ठेवणे

होळी खेळताना लहान मुलांवर लक्ष ठेवणे गरजेचे आहे. जेव्हा लहान मुले पाण्यात खेळतात तेव्हा काळजी घेणे आवश्यक आहे.

* हर्बल रंगांचा वापर

लहान मुलांची त्वचा (Skin) अतिशय नाजुक असते. त्यामुळे रासायनिक रंगांचा वापर न करता हर्बल रंगांचा वापर करावा. यामुळे लहान मुलांचे आरोग्य धोक्यात येणार नाही.

* पाण्याचे फुगे टाळावे

होळी खेळताना पाण्याचे फुगे खेळणे टाळावे. कारण फुगे हातातून निसटण्याची दुखापत होऊ शकते. यामध्ये कान, डोळे किंवा नाकात पाणी जावू शकते.

* योग्य कपडे वापरावे

होळी खेळताना लहान मुलांना योग्य कपडे परिधान करून द्यावे. याची काळजी पालकांनी घ्यावी. लहान मुलांना फूल बाह्यांचे कपडे परिधान करून दिल्याने रंगाचा थेट त्वचेशी संबंध येत नाही.

* त्वचेची काळजी

रंग खेळण्यापूर्वी लहान मुलांना त्वचेवर खोबरेल तेल लावून द्यावे. तसेच केसांचे आरोग्य चांगले राहण्यासाठी चांगले तेल लावावे. यामुळे लहान मुलांचे आरोग्य चांगले राहील. अशी काळजी घेतल्यास लहान मुलांना होळीचा आनंद घेता येईल आणि पालकांना देखील मुलांची चिंता राहणार नाही.