Diwali Shopping Tips: दरवर्षीप्रमाणे यंदाही दिवाळीचा सण मोठ्या थाटामाटात साजरा करण्यासाठी लोक सज्ज झाले आहेत. अवघ्या काही दिवसांवर दिवाळी येऊन ठेपली आहे. या दिवशी सर्वत्र दिवे लावले जातात, लोक एकमेकांना शुभेच्छा देतात आणि फटाके फोडून हा सण मोठ्या थाटामाटात साजरा करतात. दुसरीकडे, दिवाळी खरेदीला सुरूवात आधीच झाली आहे. दिवाळी खरेदीसाठी लोक मार्केटला जातात. या ठिकाणी काही गोष्टींची विशेष काळजी घ्यावी. अन्यथा तुमचेही मोठे नुकसान होऊ शकते.

• लहान मुलांना सोबत नेऊ नका

तुम्ही दिवाळीच्या खरेदीसाठी मार्केटमध्ये जात असाल तर लक्षात ठेवा लहान मुलांना सोबत घेऊन जावू नका. मार्केटमध्ये खूप गर्दी असते, त्यामुळे मुले हरवण्याची भीती असते. म्हणून, शक्य असल्यास मुलांना घरी ठेवावे.

• फसवणुकीपासून सावध

तुम्ही मार्केटमध्ये वस्तुंची खरेदी करतांना सावधगिरी बाळगली पाहिजे. कारण दिवाळी दरम्यान अनेक लोक फसवणुकीला बळी पडतात. यामुळे कोणतीही वस्तु खराब किंवा कुठे डॅमेज नसेल याची काळजी घ्यावी.

• मोबाईलची काळजी घ्या

तुम्ही मार्केटमध्ये शॉपिंगसाठी जात असाल तर मोबाइलची काळजी घ्यावी. कारण गर्दीमध्ये तुमचा मोबाइल कोणीही चोरू शकतो. यामुळे गर्दीच्या ठिकाणी मोबाइल सांभाळून ठेवावा.

• आधीच करू शकता खरेदी

दिवाळीच्या खरेदीसाठी अनेकजण दिवाळीच्या आसपासचे दिवस निवडतात. अशावेळी मार्केटमध्ये गर्दी असते आणि खरेदीही व्यवस्थित होत नाही.  तुम्ही दिवाळीची खरेदी काही दिवस अगोदर करू शकता. यामुळे तुम्हाला गर्दीचा त्रास होणार नाही.

• मौल्यवान गोष्टी जपा

जर तुम्ही मार्केटमध्ये दिवाळी शॉपिंगसाठी जात असाल तर सोन्याचे दागिने घालु नका. कारण गर्दीत तुमचे दागिने चोरीला जावु शकते. यामुळे शक्य असल्यास सोन्याचे दागिने घालणे टाळावे. तुम्ही आर्टिफिअल दागिने घालु शकता.

• पैसे सुरक्षित ठेवा

जर तुम्ही मार्केटमध्ये रोख रक्कम घेऊन जात असाल तर ते सुरक्षितपणे ठेवावे. कारण अशावेळी लोकांचा खिसाही कापला जातो. त्यामुळे शक्य असल्यास तुम्ही रोख रकमेऐवजी ऑनलाइन पेमेंट करू शकता आणि तुमच्याकडे असलेली थोडीशी रक्कम सुरक्षित ठेवू शकता. महिलांनीही आपल्या पर्सची काळजी घ्यावी.