Diwali 2023: दिव्यांचा सण म्हणजे दिवाळी. आज देशभरात मोठ्या थाटामाटात दिवाळी साजरी केला जात आहे. दिवाळी हा सण कार्तिक महिन्यातील अमावास्येला साजरा केला जातो. या दिवशी माता लक्ष्मी आणि गणेशाची पूजा करण्याची परंपरा आहे. हा सण कुटुंब आणि मित्रांसोबत साजरा केला जातो. तुम्ही जर एकटे राहत असाल आणि घरापासून दूर असाल तर तुम्ही ही दिवाळी खास बनवू शकता.

व्हिडिओ कॉलवर फॅमिलीसोबत बोलावे

दिवाळीत तुम्ही तुमच्या कुटुंबापासून आणि घरापासून दूर असाल आणि त्यांना मिस करत असाल, तर तुमच्या कुटुंबातील सदस्यांना व्हिडिओ कॉल करू शकता. लक्ष्मी पूजेच्या वेळी देखील व्हिडिओ कॉल करून पुजात सहभागी व्हा. त्यांना तुमच्या तयारीचे फोटो आणि सेल्फी पाठवून तुमचे प्रेम दाखवा. दूर असूनही, तंत्रज्ञानाशी कनेक्ट रहा आणि दिवाळीचा आनंद घ्या.

चांगले पदार्थ तयार करा

दिवाळीच्या दिवशी तुम्ही तुमचे आवडते पदार्थ आणि मिठाई स्वतः तयार करू शकता. यामुळे तुम्हाला स्वयंपाकाचा आनंद मिळेल आणि घर बनवलेले पदार्थ खाण्याचाही एक वेगळाच आनंद असेल. त्यामुळे एकटे राहिल्याने दु:खी होऊ नका आणि दिवाळी आनंदाने साजरी करा. उत्तम पदार्थ खाऊन दिवाळीचा आनंद घ्या.

घर सजवा

दिवाळीनिमित्त घर छान सजवु शकता. त्यामुळे उत्सवाचे वातावरण निर्माण होते. सजावट केल्यानंतर ते आपल्या कुटुंबाला दाखवा. हे पाहून त्यालाही खूप आनंद होईल. तुम्ही तुमचे घर सजवून दिवाळी साजरी करू शकता. रंगीबेरंगी दिवे लावावे, लाइटिंगने सजावट करावी. रंगबिरंगी रोषणाई करा. दिवाळी हँगिंग्ज आणि भिंतीची सजावट करा. जमिनीवर रांगोळी काढवी. तुम्ही तुमचे घर सजवून दिवाळीचे सौंदर्य वाढवू शकता आणि सणाचा आनंद लुटू शकता.