कुठलाही आनंदाचा प्रसंग आला तर टाळ्या वाजवतो. भजन कीर्तन करतांना देखील टाळ्या वाजवल्या जातात, वाढदिवसाच्या कार्यक्रमातही टाळ्या वाजवल्या जातात. पण फिटनेससाठी टाळ्या वाजवणे किती महत्त्वाचे आहे हे तुम्हाला माहितीय का? हे तुम्हाला विनोदी वाटेल पण हे खरे आहे की टाळ्या वाजवून तुम्ही शरीरापासून अनेक आजार दूर ठेवू शकता. या प्रक्रियेला क्लॅपिंग थेरपी म्हणतात. याचे फायदे जाणून घेऊया.

• हृदय निरोगी ठेवा

टाळ्या वाजवून तुम्ही तुमचे हृदय (Heart) निरोगी ठेवू शकता, प्रत्यक्षात तुमच्या हातात 29 एक्यूप्रेशर पॉईंट्स आहेत, टाळ्या वाजवल्याने त्या सर्वांवर दबाव येतो ज्यामुळे तुम्हाला ऊर्जा मिळते. यामुळे रक्ताभिसरण सुधारण्यास मदत होते आणि यामुळे हृदय निरोगी राहते.

• मानसिक आरोग्य सुधारा

तणाव (Stress) आणि नैराश्यातही टाळ्या वाजवणे खूप चांगले मानले जाते. सकाळी नियमितपणे टाळ्या वाजवण्याचा सराव करावा.असे केल्याने तुमच्या मेंदूला सकारात्मक संकेत मिळतात. जे तणाव कमी करते आणि तुमचे मन शांत करते, आनंदी हार्मोन्स वाढवते. ज्यामुळे तुम्हाला आराम वाटतो.

• रोगप्रतिकारशक्ती वाढवा

दररोज सकाळी 20 ते 30 मिनिटे क्लॅपिंग थेरपी केल्याने तुमची प्रतिकारशक्ती (Immunity) वाढण्यास मदत होते. टाळ्या वाजवल्याने तुमच्या शरीरातील ऊर्जा चक्र सक्रिय होते.टाळी वाजवल्याने शरीरातील पांढऱ्या रक्त पेशी वाढतात आणि तुमची प्रतिकारशक्तीही वाढते.

• त्वचेसाठी फायदेशीर

त्वचेसाठी (Skin) विशेषतः फायदेशीर मानले जाते. टाळ्या वाजवल्याने रक्ताभिसरण सुरळीत होते, त्यामुळे शरीरात ऑक्सिजनचा प्रवाहही चांगला राहतो, त्यामुळे तुमची त्वचा चमकदार होते.

• टाळ्या वाजवण्याची योग्य पद्धत कोणती?

हाताला मोहरी किंवा खोबरेल तेल लावा. टाळ्या वाजवतांना अशा प्रकारे वाजवा की तळहाताचे टोक आणि बोटे एकमेकांना स्पर्श करतील. असे सकाळी करणे अधिक फायदेशीर असते. दिवसातून 1500 वेळा टाळ्या वाजवण्याचा प्रयत्न करा. तुम्ही रोज जेवल्यानंतरही टाळ्या वाजवू शकता. यामुळे रक्ताभिसरण वाढते आणि खराब कोलेस्ट्रॉल कमी होते.