Car Cleaning Tips: कारच्या आत स्वच्छता राखणे कधीकधी एक आव्हानात्मक काम बनते, परंतु योग्य साधने आणि तंत्राने ते अगदी सहजपणे करणे शक्य आहे. लक्षात ठेवा की नियमित आणि योग्य साफसफाईमुळे तुमची कार जास्त काळ नवीन दिसते. त्यामुळे त्याचे आयुर्मानही वाढते. त्यामुळे आज आम्ही तुमच्यासोबत कारचे आतील भाग स्वच्छ करण्याच्या काही सोप्या टिप्स सांगत आहोत.

• स्टीम क्लीनरचा वापर

गाडीचा आतील भाग स्वच्छ करण्यासाठी तुम्ही स्टीम क्लिनरची मदत घेऊ शकता. त्याची उच्च-दाब असलेली वाफ कार्पेट्स, सीट आणि विविध पृष्ठभागांवरील घाण आणि धुळ एकाच वेळी काढून टाकते .

• लिंट रोलर

आजकाल अनेक लोक पाळीव प्राण्यासोबत कारमध्ये प्रवास करत असतात. त्याचे केस कारमध्ये इकडे तिकडे पडलेले असतात. अशावेळी ते स्वच्छ करण्यासाठी लिंट रोलर वापरू शकता. यामुळे पाळीव प्राण्याचे कोणतेही केस तुम्हाला कारमध्ये दिसणार नाही.

• व्हॅक्यूम क्लिनर

पोर्टेबल व्हॅक्यूम क्लिनर तुमच्या कारच्या कार्पेट आणि कव्हर्समधील घाण काढण्यास मदत करते. जर तुम्हाला कार आतून स्वच्छ करायची असेल तर तुम्ही घरीच व्हॅक्यूम क्लिनरचा वापर करून कार स्वच्छ करू शकता. ज्या ठिकाणी जास्त कचरा असेल त्या ठिकाणी विशेष लक्ष द्या.

• बेकिंग सोडा

बेकिंग सोडाचा वापर अनेक प्रकारे केला जातो. बेकिंग सेड्याचा वापर करून डाग आणि दुर्गंधी दूर करता येते. तसेच याचा वापर कार आतून स्वच्छ करण्यसाठी केला जातो. यासाठी बेकिंग सोड्याची पेस्ट तयार करावी आणि कारच्या आतील सीट कव्हरवर लावावी. मऊ कापड ओले करू स्वच्छ पुसून टाकावे. यामुळे तुमची कार नव्यासारखी चमकेल.

• व्हिनेगर

व्हिनेगरचा वापर करून तुम्ही कारच्या खिडक्या स्वच्छ करू शकता. कारच्या खिडक्या स्वच्छ करणे कठीण काम आहे. त्यामुळे व्हिनेगर वापरणे खूप फायदेशीर आहे. यासाठी एका स्प्रे बाटलीमध्ये व्हिनेगर आणि पाणी समान प्रमाणात मिक्स करावे. नंतर खिडक्यांवर शिंपडावे आणि वर्तमानपत्र किंवा सॉफ्ट कापडाने स्वच्छ पुसावे.