जर तुम्ही आर्थिक समस्यांना सामोरे जात असाल तर वास्तुशास्त्रात सांगितलेले काही उपाय करू शकता. धनाची देवी माता लक्ष्मी आणि धनाची देवता कुबेर यांना प्रसन्न केल्याने तुमच्या प्रगतीचा मार्ग खुला होईल आणि तुमच्यावर पैशांचा पाऊस पडू लागेल. चला तर मग जाणून घेऊया काय करावे.

• कळस

घरात कळस ठेवणे अतिशय शुभ मानले जाते. कळस पाण्याने भरून ईशान्य कोपऱ्यात ठेवावे. त्यानंतर त्यात तांब्याचे नाणे आणि नारळाची पाने टाकून तोंड झाकून ठेवावे.

• चांदीची नाणी

माता लक्ष्मी आणि भगवान कुबेर यांच्या छाप असलेली नाणी घरी आणल्याने प्रगतीचा मार्गही खुला होतो. तुम्ही तुमच्या पर्समध्ये किंवा तिजोरीत अशी तीन नाणी ठेऊ शकता. यामुळे नशिबाची साथ मिळते आणि व्यक्तीला सर्व समस्यांपासून मुक्ती मिळते.

• माशांचा फोटो

घरात माशाची मूर्ती आणि फोटो देखील खूप शुभ मानले जाते. जीवनात सुख-समृद्धीसाठी तुम्ही चांदीच्या माशाची मूर्ती तुमच्या घरात आणू शकता. घरात फिश पेंटिंग लावणे देखील फायदेशीर आहे.

• कौडी

पांढऱ्या कौड्या घरात आणल्याने आर्थिक लाभाचा मार्ग मोकळा होतो. हे लाल किंवा पिवळ्या कपड्यात बांधून घराच्या तिजोरीत ठेवावे. असे केल्याने पैशासंबंधित समस्या कमी होतील.

• लक्ष्मी, कुबेर आणि गणपतीचा फोटो

घरामध्ये लक्ष्मी, कुबेर आणि गणेशाची मूर्तीची असणे शुभ मानले जाते. यामुळे माता लक्ष्मी आणि भगवान कुबेर यांच्या कृपेने धनाची कमतरता भासत नाही. विघ्न दूर करणाऱ्या श्रीगणेशाच्या कृपेने सर्व कार्य यशस्वी होईल. मूर्तीची प्रतिष्ठापना केल्यानंतर त्याची रोज पूजा करावी.