सतत पावसामुळे शहरी आणि ग्रामीण भागातील पूर परिस्थिती निर्माण झाली आहे. महाराष्ट्र, कर्नाटक आणि गोवा येथील पुरग्रस्त भागाच्या राज्य व जिल्हा प्रशासनांना मदतीला भारतीय नौदलाची पश्चिम नौदल तुकडी मदतीसाठी धावून आली आहे.

रायगड येथे मुंबईहून एक सीकिंग 42 सी हेलिकॉप्टर तैनात करण्यात आले आहे. गोवा येथील एक ALH हेलिकॉप्टर रत्नागिरीत बचावासाठी तैनात करण्यात आले आहे.

कर्नाटकात झालेल्या अतिवृष्टीमुळे कड्रा धरण, मल्लापूर कुर्निपेट, कैगाजवळ अडकलेल्या लोकांना वाचवण्यासाठी भारतीय नौदल आपत्कालीन पथका (ERT) तैनात करण्यात आले. या तुकडीने भैरे गावातून 100 हून अधिक लोकांना वाचविण्यात यश मिळविले आहे.

महाराष्ट्रातील मृत्यूची संख्या गेल्या 48 तासांत 129 वर पोहोचली आहे. बहुतेक मृत्यू रायगड आणि सातारा जिल्ह्यात झाले आहेत भूस्खलन वगळता अनेक लोक पुराच्या पाण्यात बुडाले आहेत.

कोल्हापूर(Kolhapur), सातारा(Satara) अन् सांगलीला(Sangali) पुन्हा महापुराचा धोका निर्माण झाला असून पुण्याच्या घाटमाथ्यावरही जोरधार सुरू आहे. या जिल्ह्यातील एकूण 84,452 लोकांना सुरक्षित स्थळी हलवण्यात आले आहे.

महाराष्ट्र व गोव्यात पूर परिस्थिती निर्माण झाल्याने हेलिकॉप्टर्स व्यतिरिक्त, भारतीय वायुसेनेची तुकडीही मदतीला धावून आली.

मानवतावादी सहाय्य आणि आपत्ती निवारणाच्या मदतीने भुवनेश्वर ते पुणे, रत्नागिरी आणि गोवा येथे एनडीआरएफच्या 21 जवानांची तुकडी तैनात करण्यात आली.

पुरात अडकेलेल्या लोकांना वाचवण्यासाठी भारतीय नौदल आपत्कालीन पथकाला (ERT) तैनात करण्यात आले.

पुरात अडकेलेल्या लोकांना वाचवण्यासाठी भारतीय नौदल आपत्कालीन पथकाला (ERT) तैनात करण्यात आले.