संत फ्रान्सिस झेवियर यांचा शव दर्शन सोहळ्याला ओल्ड गोव्यात आजपासून (२१ नोव्हेंबर) सुरुवात झाली आहे.

२१ नोव्हेंबर रोजी सकाळी ओल्ड गोव्यातील बॅसिलिका बॉम जिझस चर्च परिसरात या सोहळ्याला सुरुवात झाली.

मुख्यमंत्री डॉ. प्रमोद सावंत आणि राज्यपाल पी. एस. श्रीधन पिल्लई यांच्या उपस्थित या सोहळ्याला सुरुवात झाली.

संत झेवियर यांचे शव ओल्ड गोव्यातील चर्चमधून से कॅथेड्रल येथे नेण्यात आले. यासाठी शानदार सोहळ्याचे आयोजन करण्यात आले होते. सजवलेल्या Electric कारमधून झेवियर यांचे शव से कॅथे़ड्रल येथे हलविण्यात आले.

से कॅथेड्रल चर्चमध्येच संत फ्रान्सिस झेवियर यांचे शव पुढील ४५ दिवसांसाठी सार्वजनिक दर्शनासाठी ठेवले जाणार आहे. दहा वर्षानंतर झेवियर यांचे शव दर्शनासाठी खुले करण्यात आले आहे.

बॅसिलिका बॉम जिझस ते से कॅथेड्रल येथे झेवियर यांचे शव स्थालांतरित करण्याच्या कार्यक्रमात हजारो ख्रिस्ती भाविक सामिल झाले होते. मोठ्या भक्तीमय वातावरणात हा सोहळा पार पडला.