भारत आणि इंग्लंड यांच्यातील पहिला वनडे सामना नागपूरमध्ये खेळला जात आहे. या सामन्यात इंग्लंडने नाणेफेक जिंकून पहिल्यांदा फलंदाजी करण्याचा निर्णय घेतला.
पहिल्यांदा फलंदाजी करताना इंग्लंडच्या संघाने 248 धावा केल्या. गोलंदाजीदरम्यान, रवींद्र जडेजाने पुन्हा एकदा आपला जलवा दाखवून दिला. 3 विकेट्स घेत त्याने आंतरराष्ट्रीय क्रिकेटमध्ये एक विशेष कामगिरी नोंदवली.
सामन्यात जडेजाने 9 षटकांत 26 धावा देत 3 विकेट्स घेतल्या. यादरम्यान त्याने जो रुट, जेकब बेथेल आणि आदिल रशीद यांना पॅव्हेलियनध्ये धाडलं. 3 विकेट्स घेत जडेजाने आंतरराष्ट्रीय क्रिकेटमध्ये 600 विकेट्स पूर्ण केल्या. जडेजा आता 600 किंवा त्याहून अधिक विकेट्स घेणारा सहावा भारतीय गोलंदाज बनला.
या सामन्यात इंग्लंडचा स्टार फलंदाज जो रुट देखील बऱ्याच कालावधीनंतर इंग्लंड संघात परतला, परंतु रुट या सामन्यात काही खास कामगिरी करु शकला नाही. या सामन्यात जो रुट 31 चेंडूत फक्त 19 धावा काढून आऊट झाला. जडेजाने वनडे क्रिकेटमध्ये 12 व्यांदा जो रुटला आऊट केले. याशिवाय जडेजाने वनडे क्रिकेटमध्ये ऑस्ट्रेलियाच्या स्टीव्ह स्मिथला 11 वेळा आऊट केले.
या सामन्यात प्रथम फलंदाजी करणाऱ्या इंग्लंड संघाचा डाव 47.4 षटकांत 248 धावांवर गारद झाला. इंग्लंडकडून फलंदाजी करताना कर्णधार जोस बटलरने सर्वाधिक 52 धावा केल्या. याशिवाय, जेकब बेथेलने 51 धावा केल्या. टीम इंडियाकडून गोलंदाजी करताना हर्षित राणा आणि रवींद्र जडेजा यांनी प्रत्येकी 3-3 विकेट घेतल्या.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.