कारगिल विजय दिनाच्या निमित्ताने आज आझाद मैदानावर (Azad Maidan) माजी सैनिक कल्याण संघटना आणि पूर्व सैनिक सेवा परिषद यांच्या वतीने कारगिल युद्धाच्या स्मृतींना मान्यवरांनी उजाळा दिला.

कारगिल विजय दिनाच्या निमित्ताने मुख्यमंत्री डॉ. प्रमोद सावंत, भाजप प्रदेशाध्यक्ष सदानंद शेट तानावडे, महापौर रोहित मोन्सरत यांनी आझाद मैदानाच्या हुतात्मा स्मारकाला पुष्पचक्र वाहिले.

माजी सैनिक कल्याण संघटनेचे अध्यक्ष अनंत जोशी यांच्यासह कारगिल युद्धातील सहभागी अधिकारी व सैनिक उपस्थित होते.

मुख्यमंत्री डॉ. सावंत यांनी कारगिल विजय ही घटना देशासाठी अभिमानास्पद असून गोव्याच्या सपुत्रांनी दिलेले योगदान अविस्मरणीय आहे, असे सांगितले.

कारगिल विजय दिवसानिमित आयोजित विविध स्पर्धातील विध्यार्थ्यांना यावेळी प्रशस्तीपत्र वितरित करण्यात आली.