Bad luck zodiac signs: ज्योतिषशास्त्रानुसार ग्रह ठराविक काळानंतर आपल्या राशीत बदल करतात, ज्यामुळे विविध प्रकारचे शुभ-अशुभ योग तयार होतात. या योगांचा थेट प्रभाव मानवी जीवनावर दिसू लागतो. असाच एक महत्त्वाचा योग येत्या १० ऑगस्टला तयार होत आहे, जेव्हा राहू आणि चंद्र यांच्या युतीमुळे कुंभ राशीत 'ग्रहण योग' तयार होईल. हा योग सर्व राशींवर परिणाम करेल, पण विशेषतः काही राशींसाठी हा काळ आव्हानात्मक ठरू शकतो.

सिंह राशी (Leo Zodiac Sign)

सिंह राशीच्या लोकांसाठी हा ग्रहण योग थोडा त्रासदायक ठरू शकतो. राहू आणि चंद्राची युती तुमच्या कुंडलीतील आठव्या स्थानात होत असल्यामुळे तुम्हाला अनपेक्षित अडचणींचा सामना करावा लागण्याची शक्यता आहे. या काळात तुम्हाला तुमच्या आरोग्याची विशेष काळजी घ्यावी लागेल, कारण सर्दी, खोकला किंवा ताप यांसारख्या समस्या तुम्हाला त्रास देतील. तसेच कामाच्या ठिकाणी कोणत्याही प्रकारचा निष्काळजीपणा करू नका, एक छोटी चूक अडचणी वाढवू शकते. तसेच, वाहन चालवताना अत्यंत सावधगिरी बाळगा.

वृश्चिक राशी (Scorpio Zodiac Sign)

वृश्चिक राशीच्या लोकांसाठी हा ग्रहण योग नकारात्मक परिणाम घेऊन येऊ शकतो. राहू आणि चंद्राची युती तुमच्या राशीच्या सहाव्या स्थानात होत आहे, ज्यामुळे तुमचे गुप्त शत्रू सक्रिय होऊ शकतात. त्यांच्यामुळे तुमच्या महत्त्वाच्या कामांमध्ये अडथळे येण्याची शक्यता आहे. या काळात आरोग्याकडे दुर्लक्ष करू नका. नात्यांमध्ये वाद टाळण्यासाठी शांत राहा आणि संयम बाळगून वागा. तसेच, कुणालाही पैसे उधार देणे टाळा.

मीन राशी (Pisces Zodiac Sign)

मीन राशीच्या लोकांसाठी हा योग काहीसा आव्हानात्मक असू शकतो. ग्रहण योग तुमच्या राशीच्या बाराव्या स्थानात तयार होत असल्यामुळे या काळात तुमचा खर्च आणि मानसिक तणाव वाढू शकतो. कोणताही नवीन करार निश्चित करण्यासाठी किंवा नवीन काम सुरू करण्यासाठी हा काळ योग्य नाही. जर तुम्ही प्रवासाची योजना आखत असाल, तर त्यातून तुम्हाला अपेक्षित परिणाम मिळणार नाहीत.