Zuarinagar Accident: ट्यूशन संपल्यावर सायकलवरून घरी निघालेल्या विद्यार्थ्याला भरधाव ट्रकने धडक दिली आहे. या धडकेत विद्यार्थी गंभीर जखमी झाला असून, त्याला उपचारासाठी गोमेकॉत दाखल करण्यात आले आहे. अपघातानंतर ट्रक चालकाने घटनास्थळावरून पळ काढला आहे.

आग्नेल परेरा (वय 14, रा. झुआरीनगर) असे जखमी झालेल्या विद्यार्थ्याचे नाव आहे.

मिळालेल्या माहितीनुसार, शिकवणी संपल्यानंतर आग्नेल सायकलवरून घरी जात होता. झुआरीनगर येथे धरभाव येणाऱ्या ट्रकने त्याच्या सायकला जोराची धडक दिली. यात तो गंभीर जखमी झाला आहे. स्थानिकांनी त्याला उपचारासाठी तात्काळ गोमेकॉत दाखल केले आहे.

अपघातानंतर ट्रक चालकाने घटनास्थळावरून पलायन केले आहे.

अपघातांचे सत्र थांबण्याचे नाव घेईना

बाणस्तारी, वार्का -काणका, आगशी आणि आता झुआरीनगर असे अपघात मागील चार दिवसांच्या काळात नोंदवले आहेत. बाणस्तारी येथी अपघातात तीन जाणांचा बळी गेला, तर तीन जण जखमी झाले आहे. वार्का -काणका, आगशी येथील अपघात किरकोळ असले तरी चालक मद्याच्या नशेत होते असे आढळून आले.

बाणस्तारी, वार्का -काणका, आगशी येथील अपघातात चालक मद्यधुंद अवस्थेत असल्याचे निष्पन्न झाले आहे. काही दिवसांत राज्यात नोंदवलेल्या अपघातांच्या घटना चिंतेचा विषय ठरत आहे.