पणजी: झारखंड येथील कामगारांनी जो पोलिसांवर हल्ला केला, त्यामुळे राज्यातील कायदा आणि सुव्यवस्थेचा प्रश्‍न ऐरणीवर आला असून त्यांना पोलिसांचा देखील धाक राहिलेला नाही. उद्या अशा प्रकारे हे गुन्हेगार पोलीस स्थानकांत घुसून हल्ला करण्यास मागे पुढे पाहणार नसल्याने या प्रकारची सरकारने गंभीर दखल घेणे गरजेचे असल्याचे प्रतिपादन विरोधीपक्ष नेते युरी आलेमाव यांनी केले.

ते पणजीत छायापत्रकार संघटनेच्या कार्यक्रमासाठी आले असता माध्यमांशी बोलत होते. आलेमाव म्हणाले, कुंक्कळी पोलिस स्थानकांत स्टाफची कमतरता आहे, निदान गस्त तरी योग्य रितीने या भागात घालणे गरजेचे असल्याचे त्यांनी सांगितले.

राज्यातील मोठ्या प्रमाणात सुरू असलेल्या पावसामुळे कदंबच्या गाड्यांना गळती लागली आहे. कदंब महामंडळाची वाहतूक सेवा खालावली असून याचा परिणाम सर्वसामान्य नागरिकांच्या जीवनावरहोत आहे.

कदंब महामंडळ हाताळण्यात वाहतूकमंत्री तसेच महामंडळाच्या अध्यक्षांना अपयश आले आहे. त्यामुळे वाहतूक व्यवस्थेत नियमितता नाही, असेही आलेमाव म्हणाले.