थिवी येथे अचानक बुलेटवरील ताबा सुटल्याने ती घसरून समोरून येणाऱ्या दुचाकीवर आदळली. या अपघातात बुलेटचालक दलवीर सिंह (१९, राजस्थान) हा जागीच ठार झाला. बुलेटवरील दोघे आणि दुसऱ्या गाडीवरील एक मिळून तिघे जखमी झाले.
हा अपघात शनिवारी रात्री ८ च्या सुमारास घडला. दलवीर हा दोन मित्रांसमवेत करासवाडाहून अस्नोडाच्या दिशेने जात असता, ताबा सुटल्याने त्याची बुलेट घसरली आणि समोरून येणाऱ्या केटीएम दुचाकीला तिची जोरात धडक बसली.
यावेळी दलवीर रस्त्यावर फेकला गेला आणि तोंडावर आदळल्याने गंभीर जखमी होऊन तो जागीच ठार झाला. बुलेटवर मागे बसलेले बलराम सिंग आणि मनोज सिंग हे जखमी झाले. केटीएमवरील चालक शुभम हासुद्धा किरकोळ जखमी झाला. कोलवाळ पोलिसांनी या घटनेचा पंचनामा केला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.