Goa Accident Death: कदंब पठारावरील रस्ता ओलांडत असताना पणजीहून जुने गोवे दिशेने जाणाऱ्या भरधाव वेगात असलेल्या गाडीने पश्‍चिम बंगालचा हरलाल मुर्मू (२९) याला धडक दिली.

या धडकेने तो जागीच ठार झाला तर गाडीने धडक दिल्यानंतर चालक गाडी घेऊन तेथून पसार झाला. हा अपघात रविवारी (ता.८) सायंकाळी ६ वा.च्या सुमारास घडला.

पोलिसांना याची माहिती दिल्यानंतर पोलिसांनी अपघातास कारणीभूत ठरलेली गाडी कुळे चेकनाक्यावर पकडली व चालक बाबू के.एस.ओ. कुमार याला अटक केल्याची माहिती जुने पोलिस स्थानकाचा ताबा असलेले निरीक्षक विक्रम नाईक यांनी दिली.

पोलिसांनी दिलेल्या माहितीनुसार, कर्नाटक नोंद असलेली इर्टिगा गाडी कदंब पठाराच्या रस्त्याने भरधाव वेगाने जुने गोवेच्या दिशेने जात होती. हरलाल मुर्मू हा रस्ता ओलांडत असताना गाडीने त्याला ठोकर दिली. या ठोकरीने तो रस्त्यावर जोरात आदळला. त्याच्या डोक्याला गंभीर दुखापत होऊन रक्तस्राव झाला. गितले.

या अपघातानंतर गाडी चालक तेथे न थांबता तसाच निघून गेला. या अपघातानंतर तेथील काही वाहनचालकांनी जुने गोवे पोलिस तसेच १०८ रुग्णवाहिकेला फोन केला. रुग्णवाहिका घटनास्थळी पोहोचली व केलेल्या प्राथमिक तपासणीत त्याचा मृत्यू झाल्याचे स्पष्ट झाले. पोलिसांनी या अपघाताचा पंचानामा करून मृतदेह गोमेकॉ इस्पितळातील शवागारात पाठवला.

नंतरच शवचिकित्सा

काही वाहन चालकांनी त्या गाडीचा क्रमांक तसेच रंगाची माहिती पोलिसांना दिली. गाडीचा शोध घेण्यासाठी जुने गोवे पोलिसांनी बिनतारी संदेशाद्वारे गोव्याच्या चेकनाक्यावर गाडीची माहिती दिली. गोव्यातून कर्नाटकात जाण्याच्या प्रयत्नात असताना ही गाडी कुळे चेकनाक्यावर ताब्यात घेण्यात आली. मुर्मू हा गोव्यात कामानिमित्त आला होता. त्याच्या कुटुंबीयांना माहिती देण्यात आली असून ते आल्यानंतर शवचिकित्सा केली जाईल, असे पोलिसांनी सांगितले.

चालकाची होणार अल्कोहोल चाचणी

जुने गोवे पोलिसांनी कुळे चेकनाक्यावर पकडण्यात आलेल्या गाडीचा चालक एका विमा कंपनीचा अधिकारी असून तो बंगळुरू येथील आहे. तो गोव्यात कामानिमित्त आला होता व रविवारी संध्याकाळी तो परतत होता. त्याची वैद्यकीय तपासणी करण्यात येणार आहे तसेच त्याची अल्कोहोल चाचणीही केली जाईल, असे पोलिसांनी सां