शिवोली: गुडे-शिवोली येथील सर्वेश शिरोडकर(Sarvesh Shirodkar) या तरुणाचा नजीकच्या हुडोवाडा-दांडा येथील किनारी बुधवारी दुपारी बुडाला. संध्याकाळी उशिरापर्यंत सर्वेशचा शोध घेण्याचे प्रयत्न स्थानिकांकडून चालू होते. हणजूण पोलिसांनी दिलेल्या माहितीनुसार, घोलान-शिवोली येथील दोघे तरुण सर्वेशसह हुडोवाडा-दांडा येथील हिंदू स्मशानभूमी परिसरातील समुद्रकिनारी(Beach) बुधवारी सकाळी मासळी पकडण्यासाठी समुद्रात उतरले होते व तासभर प्रयत्न करूनही मासळी न मिळाल्याने ते किनारी परतत असताना अचानक समुद्राचे पाणी भरतीच्या वाटेने समोर आले. यावेळी घोलान, मार्ना-शिवोली येथील दोघा तरुणांनी कसाबसा आपला जीव वाचवला व किनाऱ्यावर परतले. परंतु मागून येणाऱ्या सर्वेश समुद्राच्या लाटांसह आत ओढला जावून तो बेपत्ता झाला.(The young man from Guide Siolim who had gone to catch fish drowned)

गोवा हद्दीत कोविड चाचणी प्रमाणपत्र सक्तीचे 

दरम्यान, संध्याकाळी उशिरापर्यंत स्थानिक व हणजूण पोलिस निरीक्षक सूरज गावस यांनी शिवोली पोलिसांच्या सहकार्याने सर्वेशचा शोध घेण्याचे प्रयत्न चालू ठेवले होते. मात्र संध्याकाळी उशिरापर्यंत त्याचा शोध लागू शकला नाही. गुरुवारी सकाळी पुन्हा सर्वेशचा शोध घेतला जाणार असल्याचे निरीक्षक सूरज गावस यांनी सांगितले.

Goa Oxygen Crisis: गोव्याला मिळणार रोज एक ऑक्सिजन टँकर 

दरम्यान, मंगळवारी दुपारी बामणवाडा-शिवोलीत भाडयाच्या घरात राहाणाऱ्या यल्लुबाई होंगल या कर्नाटकी महिलेचा याच परिसरात तोल जाऊन पाण्यात पडल्याने बुडून मृत्यू झाल्याची घटना घडली होती. या घटनेच्या चोवीस तासातच शिवोलीतील ही बुडाल्याची दुसरी घटना आहे.