Covid Care: जे लोक नियमित योग करतात व ज्यांची फुफ्फुसे मजबूत आहेत, ते लोक कोविडच्या महामारीतून बचावले, असे मत प्रसिद्ध ऑर्थोपेडीक सर्जन व ईएसआय इस्पितळाचे प्रमुख डॉ. विश्र्वजीत फळदेसाई यांनी व्यक्त केले.

पीस ॲण्ड ब्लिस असोसिएशनने आयोजिलेल्या दोन दिवसीय योग शिबिराचे उद्‌घाटन केल्यावर डॉ. फळदेसाई मार्गदर्शन करीत होते. हे शिबिर आके येथे आयोजिले होते. असोसिएशनचे अध्यक्ष प्रो. विश्र्वनाथ स्वार यांनी सर्वांचे स्वागत केले.

अनुराधा लोटलीकर यांनी वेगवेगळी आसने व योगाची प्रात्यक्षिके करून दाखविली. कार्यक्रमाचे सूत्रसंचालन श्रीपाद पै यांनी केले तर डॉ. वसुंधरा देसाई यांनी आभार मानले.