राज्यात यंदा 4 जून रोजी मॉन्सूनचे दबक्या पावलांनी आगमन झाले. सुरुवातीच्या दिवसांत राज्यात विजांच्या कडकडाटासह मुसळधार पावसाने हजेरी लावली. मात्र मागील काही दिवसांपासून राज्यात पावसाने उघडीप दिली आहे. आत्तापर्यंत 645.9 मि. मी. म्हणजेच 25.42 इंच पावसाची नोंद झाली आहे. मात्र तरीसुद्धा सरासरी 8 टक्के पाऊस कमीच पडला आहे.

दरम्यान, हवामान विभागाकडून गोव्यात (Goa) येत्या 24 तासात मुसळधार पावसाची शक्यता वर्तवली आहे. पावसाची एकंदरीत परिस्थिती पाहता हवामान विभागाकडून आज 'यलो अलर्ट' जारी करण्यात आला आहे. हा यलो अलर्ट आज (मंगळवार, 25 जून) पासून पुढील चार दिवस असणार आहे.

हवामान खात्याने दिलेल्या माहितीनुसार, राज्यातील दोन्ही जिल्ह्यात मुसळधार पावसाची शक्यता आहे. आज (8 जून) उत्तर आणि दक्षिण गोव्यात (South Goa) 40-50 किलोमीटर वेगाने वारे वाहतील. त्यामुळे विभागातर्फे यलो अलर्ट जारी करण्यात आला आहे. याशिवाय, पुढील आठवडाभर राज्यातील कमाल तापमान 33- 35 अंश दरम्यानच राहणार आहे.

तसेच, हवामान विभागाकडून यलो अलर्ट जारी करण्यात आल्याने समुद्रकिनारी न जाण्यास सांगण्यात आले आहे. याशिवाय, पर्यटकांनाही खबरदारी बाळगण्यास सांगण्यात आले आहे.