पणजी: हवामान खात्याच्या वेधशाळेने वर्तविलेल्या अंदाजाप्रमाणे राज्यात रविवारी अनेक ठिकाणी जोरदार ते मध्यम स्वरूपाच्या सरी कोसळल्या. वेधशाळेने ५ ते ८ तारखेपर्यंत राज्यात ‘यलो अलर्ट’ जारी केला आहे.

रविवारी सायंकाळी साडेआठपर्यंत मागील २४ तासांत सर्वाधिक पाऊस सांगेत झाला. वेधशाळेने तीन दिवस सलग ‘यलो अलर्ट’ दिला असला तरी कधीही हवामान बदलामुळे इशारा बदलला जाऊ शकतो. गेल्या २४ तासांतील पावसाची आकडेवारी मिलीमीटरमध्ये अशी : म्हापसा ५०.४, पेडणे ४२.४, फोंडा ३८, पणजी ५५.६, जुने गोवे ६०.२, साखळी ६३.२, वाळपई ५९.२, काणकोण ७८.०, दाबोळी ३१.८, मडगाव ४२.०, मुरगाव ४९.६, केपे ७०.४, सांगे ८४.०.