पणजी: म्हापशाच्या सेंट झेवियर्स महाविद्यालयाने गोवा विद्यापीठाच्या आंतरमहाविद्यालयीन पुरुष फुटबॉल स्पर्धेत विजेतेपद मिळविले. चुरशीच्या अंतिम लढतीत त्यांनी केपे सरकारी महाविद्यालयावर पेनल्टी शूटआऊटद्वारे 8-7 फरकाने मात केली.

(Xavier's Football Championship in goa)

स्पर्धेतील अंतिम सामना बुधवारी नावेली येथील रोझरी मैदानावर झाला. निर्धारित वेळेत दोन्ही संघांना गोल नोंदविण्यात अपयश आले.

बक्षीस वितरण सोहळ्यास मडगाव येथील पार्वतीबाई चौगुले महाविद्यालयाचे कार्यवाहक प्राचार्य डॉ. अनन्य दास, नावेली पॅरीश प्रिस्टचे सहाय्यक फादर डायलन डिकॉस्ता, केपे सरकारी महाविद्यालयाचे प्राचार्य डॉ. जॉयदीप भट्टाचारजी, सेंट झेवियर्स महाविद्यालयाचे प्रशासक फादर अंतोनियो सलेमा यांची उपस्थिती होती.