लग्नाचे आमिष दाखवून 30 वर्षीय विवाहित महिलेवर बलात्कार (Rape) केल्याची घटना उघडकीस आली आहे. तसेच, आरोपीने महिलेचे दागिने देखील चोरी केले. सासष्टी तालुक्यात ही घटना घडली.

याप्रकरणी कोलवा (Colva Police) पोलिसांनी 24 वर्षीय आरोपीविरोधात बलात्कार आणि चोरीच्या आरोपाखाली गुन्हा नोंद केला आहे. 30 वर्षीय पीडित महिलेने याप्रकरणी फिर्याद दिली आहे.

पोलिसांनी दिलेल्या माहितीनुसार, पीडित महिला विवाहित घटस्फोटीत असून 2019 च्या दरम्यान तिचा या युवकाशी संबंध आला. त्याने महिलेला लग्नाचे आमिष दाखवून 2021 पर्यंत तिच्याशी संबंध ठेवले. नंतर तिच्याकडून सोन्याचे दागिने मागून घेऊन ते परत केलेच नाहीत, असे त्या विवाहितेने आपल्या तक्रारीत म्हटले आहे.