कला अकादमी गोवा आयोजित पं. मनोहरबुवा शिरगावकर स्मृती विभागीय भजन स्पर्धेच्या केंद्र क्र. 2 वरील भजन स्पर्धा शंखवाळ येथील श्री शांतादुर्गा लक्ष्मी नृसिंह सांखळ्यो संस्थानच्या सभागृहात उत्साहात संपन्न झाली. भजन स्पर्धेच्या आयोजनाची जबाबदारी सदर संस्थानतर्फे स्वीकारली होती. दोन सत्रात ही स्पर्धा घेण्यात आली.

शंखवाळ येथील श्री शांतादुर्गा लक्ष्मी नृसिंह सांखळ्यो संस्थान येथे झालेल्या पहिल्या सत्रात सकाळी केंद्र क्र. 2 व सत्र क्र. 1 मध्ये श्री रुमडेश्वर दत्तात्रय महिला भजन मंडळ (रुमडावाडा वास्को), श्री रामनाथ दामोदर भजन पथक (चिखली), श्री लक्ष्मी नारायण भजन मंडळ (हेडलँड सडा), श्री राष्ट्रोळी जय संतोषी माता महिला भजन मंडळ (नवेवाडे- वास्को), दामोदर महिला भजन मंडळ (कासावली-मुर्डी), शारदा संगीत विद्यालय (हेडलँड सडा-वास्को), हनुमान महिला भजन मंडळ (नॉन मॉन वास्को) ही पथके सहभागी झाली होती.

दुपारी झालेल्या दुसऱ्या सत्रात श्री ब्राह्मणेश्वर महिला भजन मंडळ (वास्को), श्री शिव समर्थ सांस्कृतिक मंडळ (वास्को), गजानन बोगदेश्वर महिला भजन मंडळ (बोगदा), श्री राम भजन मंडळ (मेस्तवाडा- वास्को), स्वरब्रह्म संगीत सांस्कृतिक महिला भजन मंडळ (एलमाँत वास्को), विठ्ठल रखुमाई श्रीस्थळ(काणकोण), साईकृपा मंडळ (वास्को), ॐ राष्ट्रोळी सेल्फ हेल्प ग्रुप (वास्को), श्री देवस्थान पागी समाज (खोल काणकोण), श्री पार्वती महिला मंडळ श्रीकृष्ण भजन मंडळ (काणकोण) व गोमंत भारती महिला मंडळ (करमळी) ही पथके सहभागी झाली होती.

दरम्यान स्पर्धेची सुरुवात उपस्थित मान्यवरांच्या हस्ते दिपप्रज्वलन करून करण्यात आली. यावेळी व्यासपीठावर संस्थानचे अध्यक्ष संदीप सदाशिव नाईक, सचिव अशोक तुळशीदास नाईक, खजिनदार राजू रघु नाईक, अखत्त्यार रोहन रत्नाकर नाईक, तसेच परीक्षक अरुण गावकर, प्रसाद गावस, उमाकांत वाडकर व कला अकादमी गोवाचे कार्यक्रम विकास अधिकारी संजीव झर्मेकर उपस्थित होते.

सुरुवातीला कार्यक्रम विकास अधिकारी झर्मेकर यांनी प्रास्ताविक व उपस्थितांचे स्वागत केले तसेच भजन स्पर्धेच्या आयोजनाचा मुख्य हेतू स्पष्ट केला. नंतर विभागीय पातळीवरील महिला भजनी स्पर्धेला प्रारंभ झाला.