Sulakshana Sawant Dainik Gomantak
गोवा

महाराष्ट्रात महायुतीचे सरकार आणण्याचा निर्धार; नव्या जबाबदारीनंतर पहिल्यांदाच बोलल्या गोवा मुख्यमंत्र्यांच्या पत्नी

Sulakshana Sawant: गोव्याचे मुख्यमंत्री प्रमोद सावंत यांच्या पत्नी सुलक्षणा सावंत यांच्यावर महाराष्ट्र विधानसभा निवडणुकीच्या पार्श्वभूमीवर मोठी जबाबदारी देण्यात आली आहे.

Pramod Yadav

पणजी: महाराष्ट्रात भाजप नेतृत्वाखालील महायुतीचे सरकार आणण्यासाठी प्रयत्न करणार. महाराष्ट्रात काम करताना यापूर्वीच्या अनुभवाचा फायदा होईल, असे मत गोव्याचे मुख्यमंत्री डॉ. प्रमोद सावंत यांच्या पत्नी सुलक्षणा सावंत यांनी व्यक्त केले आहे.

सुलक्षणा सावंत यांची महाराष्ट्रातील आगामी विधानसभा निवडणुकीच्या पार्श्वभूमीवर भाजप महिला मोर्चा सहप्रभारीपदी नियुक्ती करण्यात आली आहे. या नुयुक्तीनंतर त्या पहिल्यांदाच प्रसारमाध्यमांशी बोलत होत्या.

महिला मोर्चाच्या सहप्रभारीपदी नियुक्ती केल्याबद्दल त्यांनी भाजप नेतृत्वाचे आभार मानले. इतर चार महिलांच्या सोबत आगामी महाराष्ट्र विधानसभा निवडणुकीत एकत्र काम करुन, राज्यात भाजप नेतृत्वातील महायुतीचे सरकार स्थापन करण्यासाठी प्रयत्न करणार, असे सुलक्षणा सावंत म्हणाल्या.

गोवा महिला मोर्चा राज्यप्रभारी असणाऱ्या सुलक्षणा सावंत यांच्याकडे महाराष्ट्रात देखील सहप्रभारी पदाची जबाबदारी देण्यात आली आहे.

अनुभवाचा फायदा होईल

यापूर्वी महाराष्ट्र , गुजरात, कर्नाटक, उत्तर प्रदेश या राज्यांमध्ये काम करण्याचा अनुभव घेतला आहे. या राज्यांमधील कामाचा अनुभव महाराष्ट्रात कामाला येईल, असे मत सुलक्षणा सावंत यांनी व्यक्त केले.

भाजपच्या केंद्रीय नेतृत्वाने ठेवलेला विश्वास सार्थ ठरविताना महाराष्ट्र राज्यात भाजपचे युतीबरोबर सरकार आणण्यासाठी काम करणार. आपल्याबरोबर नियुक्त करण्यात आलेल्या चारही महिला मिळून महाराष्ट्रात भाजपला सत्ता मिळविण्यासाठी प्रयत्न करणार असल्याचे सावंत यांनी म्हटले आहे.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Super Cup: सुपर कपचा बिगुल! 25 ऑक्टोबरपासून रंगणार थरार; FC Goa समोर विजेतेपद राखण्याचे खडतर आव्हान

Goa Taxi: 'टॅक्‍सी ॲग्रीगेटर जबरदस्तीने लादणार नाही'! गुदिन्‍होंची हमी; सरकारकडे सुमारे 3500 सूचना, हरकती

Panaji: ‘बोर्डवॉक’ची पणजी महानगरपालिका दुरुस्ती करणार? 2 वर्षांपासून दुर्दशा; धोका असूनही नागरिकांचा वावर

Chandel Hasapur: सरपंचालाच मिळाली सरकारी नोकरी, पदासह दिला पंच सदस्यत्वाचा राजीनामा; चांदेल हसापूरमध्ये रंगणार रस्सीखेच

Goa ITI: ‘आयटीआय’ करणाऱ्यांसाठी खूशखबर! 2 वर्षांच्‍या कोर्सनंतर मिळणार दहावी, बारावी उत्तीर्ण प्रमाणपत्र; मुख्‍यमंत्र्यांची घोषणा

SCROLL FOR NEXT