शाळा आणि मंदिरे यांच्या 100 मीटर अंतरात वाढीव शुल्क आकारून दारुची दुकाने सुरु करण्याची अनुमती देण्याचा निर्णय गोवा सरकारने घेतला आहे. हिंदू जनजागृती समितीच्या वतीने गोवा सरकारच्या या निर्णयाचा निषेध करण्यात आला.

सरकारने या निर्णयाचा फेरविचार करण्याची मागणी समितीच्या वतीने करण्यात आली आहे.

कॅसिनोमुळे युवा पिढी बरबाद होत आहे आणि आता शाळा आणि मंदिरे यांच्या 100 मीटर अंतरावर दारूच दुकाने चालू करणे कितपत योग्य ठरणार आहे? हिंदू भाविक जर दारूच्या आहारी गेलेला तो मंदिरात जाणार का? सरकारच्या या निर्णयामुळे पर्यटन क्षेत्र वृद्धींगत होणार आहे का? असे सवाल हिंदू जनजागृती समितीचे राष्ट्रीय प्रवक्ते रमेश शिंदे यांनी उपस्थित केले.

महसुलात वृद्धी करायची असल्यास गोवा सरकारने उत्तरप्रदेश सरकारप्रमाणे प्रयत्न करणे आवश्यक आहे, असा सल्लाही शिंदे यांनी दिला.

गोव्यात प्राचीन मंदिरे, संस्कृती असतांना दारूच्या माध्यमातून पर्यटनाला प्रोत्साहन देण्यासाठी घेतलेला निर्णय निदंनीय आहे. वैश्विक हिंदू राष्ट्र महोत्सवाच्या माध्यमातून आम्ही गोवा सरकारच्या या निर्णयाचा निषेध करतो आणि गोवा सरकारने या निर्णयावर फेरविचार करावा, अशी मागणी शिंदे यांनी केली.

तसेच, भारतातील अन्नपदार्थांस प्रमाणिकरण देणारी संस्था ‘FSSAI’ यांच्या आदेशानुसार शाळाच्या जवळ फास्ट फूड विक्र उभारता येता नाही. शाळांच्या परिसरात फास्ट फूडला विक्री केंद्राला विरोध करणारी सरकार दारूच्या विक्रीच्या दुकानांना कशी परवानगी देते? असा सवाल त्यांनी उपस्थित केला.