पणजी: आश्वे, मांद्रे येथे विहिरीत पडलेल्या रानटी डुक्कराला वाचविण्यात गोवा वन विभागाच्या खात्याला यश आले आहे. दुसरीकडे कुडचडे येथे नाल्यात अडकलेल्या गायला बजरंग दलाच्या कार्यकर्त्यांनी सुखरुपपणे बाहेर काढले आहे.

आश्वे मांद्रे येथे एका विहिरीत रानटी डुक्कर पडले. याची माहिती वन विभागाचा गार्ड संदीप नारोजे यांना मिळाली. नारोजे यांच्या मदतीने अग्निशमन दलाच्या जवानांनी विहिरीत पडलेल्या डुक्कराला सुखरुप बाहेर काढले.

काकोडा - कुडचडे येथे एका नाल्यात गाय अडकून पडल्याची घटना समोर आली. बजरंग दलाच्या कार्यकर्त्यांना घटनेची माहिती मिळताच त्यांनी घटनास्थळी धाव घेत बचावकार्य सुरु केले. रिकी होर्णेकर, सुमित नाईक आणि संतोष पर्वतकर यांनी पहाटे हे बचावकार्य करत. गायीला सुखरुप बाहेर काढले.