मडगाव : दक्षिण गोव्यात नावेली मतदारसंघात जिल्हा पंचायत भवन बांधण्याचा जो प्रकल्प नियोजित केला आहे तो वर्षभरात पूर्णत्वास आणण्याचा प्रयत्न करू असे आश्वासन नावेलीचे आमदार उल्हास तुयेकर यांनी दिले. दक्षिण गोवा जिल्हा पंचायतीचे सदस्य असलेले उल्हास तुयेकर हे नावेलीतून तर आंतोन व्हाझ हे कुठ्ठाळीतून आमदार म्हणून निवडून आल्याबद्दल आज जिल्हा पंचायत मंडळाच्या वतीने त्या दोघांच्या सत्कार करण्यात आला. (We will try to get more funds for the district panchayats)

या सत्काराला उत्तर देताना तुयेकर (MLA Ulhas Tuyekar) यांनी आपण जिल्हा पंचायतीचे सदस्य असल्याने या संस्थेला येणाऱ्या अडचणी काय हे मला ठाऊक आहे. त्यामुळे जिल्हा पंचायतींना अधिक निधी (Funding) मिळण्याबरोबर त्यांना अधिकारही मिळावे यासाठी आपण आणि व्हाझ हे दोघेही विधानसभेत प्रयत्न करू असे आश्वासन त्यांनी दिले.

यावेळी बोलताना दक्षिण गोवा जिल्हा पंचायतीचे (District Panchayat) उपाध्यक्ष खुशाली वेळीप यांनी जिल्हा पंचायतीतून आमदार (MLA) म्हणून निवडून येण्याची परंपरा तुयेकर आणि व्हाझ यांनी कायम ठेवली. यापुढे याच पंचायतीतून आणखी आमदार पुढे येतील अशी अपेक्षा व्यक्त केली. यावेळी जिल्हा पंचायतीच्या अध्यक्ष सुवर्णा तेंडुलकर व आमदार आंतोन व्हाझ यांचीही भाषणे झाली.