पणजी : कला अकादमीसारख्या देशातील प्रतिष्ठित इमारतीच्या नूतनीकरणाच्या कामाच्या दर्जाबाबत कृती दलाने आज तीव्र नाराजी व्यक्त केली. झालेल्या कामांची टक्केवारीही उत्तीर्ण होण्यासारखी नाही, असेही दलाचे अध्यक्ष विजय केंकरे यांनी सांगितले.
कला अकादमी नूतनीकरणाच्या कामांची सोमवारी कृती दलाने पाहणी केली होती. त्यावेळी आम्ही आज (मंगळवारी) बैठक घेऊन त्या पाहणीत आढळलेल्या गोष्टी मांडणार असल्याचे सांगितले होते. त्यानुसार ११ सदस्यीय बैठक पार पडली.
कृती दलाने पुनरावलोकन करण्यासाठी आणि बदल सुचवण्यासाठी स्वतंत्र तज्ज्ञांची मदत घेण्याची गरजदेखील व्यक्त केली. आता झालेली चूक पुन्हा होऊ नये, अशी आमची अपेक्षा आहे, असे केंकरे यांनी सांगितले.
अकादमीच्या नूतनीकरणाच्या कामासाठी कोट्यवधीचा खर्च झाला. यात कंत्राटदारांची चूक असेल तर त्यांना काय मिळणार नाही, जी आर्थिक तरतूद होती त्यातच ते काम करावे लागेल. त्यासाठी त्यांना बोलावून त्यावर चर्चा करणे अपेक्षित आहे. या कामासाठी जेवढे कंत्राटदार आहेत, तेवढ्या सर्वांना १० नोव्हेंबरला बोलवण्यात आले आहे.विजय केंकरे, कृती दलाचे अध्यक्ष
झालेल्या कामाबाबत कृती दल समाधानी आहे का, असे विचारल्यावर केंकरे म्हणाले की, टक्केवारीत विचारले तर ते काम उत्तीर्ण होण्यासारखे नाही. त्यात बरेच काही करावे लागणार आहे. या बैठकीनंतर आपण खरोखर समाधानी नाही, हे स्पष्ट आहे.
या अकादमीचे पावित्र्य राखले पाहिजे. नक्की काय चुका झाल्या आहेत, हे आम्ही तज्ज्ञांना विचारणार आहोत. झालेल्या खर्चापेक्षा अतिरिक्त खर्च होणार नाही. तिची प्रतिष्ठा परत मिळवून देण्यासारखे नूतनीकरणाचे काम होणे अपेक्षित आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.