पणजी: अजीब है गोवा के लोग, असे पंडित जवाहरलाल नेहरु एकदा म्हणाले होते. पण आम्ही अजीब नाही आम्ही भारतीय आहोत, असे म्हणत बिहारचे राज्यपाल राजेंद्र आर्लेकर यांनी नेहरुंचे वक्तव्य खोडून काढले. ‘चैतन्य प्रतिष्ठान गोवा’तर्फे कला अकादमी येथे आयोजित ‘एक राखी सैनिकांसाठी’ या कार्यक्रमात आर्लेकर बोलत होते.
'देशाचे पहिले पंतप्रधान जवाहरलाल नेहरु एकदा म्हणाले होते की, अजीब है गोवा के लोग! पण आम्ही अजीब नाही, आम्ही भारतातचाच एक भाग आहोत. काही लोक गोव्याचा संबंध पोर्तुगालशी जोडण्याचा प्रयत्न करतात पण आम्ही भारतीय आहोत', असे बिहार राज्यपाल आणि मूळचे गोमंतकीय राजेंद्र आर्लेकर म्हणाले.
गोव्यातील तरुण सैन्य भरतीत कमी सहभागी होतात, यावरुन आर्लेकारांनी नाराजी देखील व्यक्त केली. गोव्यातील नागरिकांना सैन्याचे काम कसे चालते हे कळण्यासाठी येत्या काळात नो युवर आर्मी प्रदर्शन भरवले जाणार असल्याचे देखील त्यांनी यावेळी सांगितले.
भारतातील अनेकांनी पोर्तुगिजांच्या जोखडातून गोव्याची मुक्ती करण्यासाठी योगदान दिले आहे. त्याचप्रमाणे गोव्यातील अनेकांनी भारतीय स्वातंत्र्यासाठी बलिदान दिले आहे. दरम्यान याची एकत्रित नोंद पाहायला मिळत नाही. या गोष्टींची एकत्र नोंद ठेवायला हवी, असे राज्यपाल आर्लेकर म्हणाले.
विविध देशांमध्ये सैन्य प्रशिक्षण बंधनकारक करण्यात आले आहे. तज्ञांनी याचा विचार करुन भारतात देखील या गोष्टी राबविण्याचा प्रयत्न करायला हवा. सरकारी नोकरीत येऊ इच्छित असणाऱ्यांना दोन वर्षाचे सैन्य प्रशिक्षण बंधनकारक करावे, असेही आर्लेकर म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.