Ponda: फोंडा तालुक्यातील फोंडा, शिरोडा, मडकई आणि प्रियोळ या चारही मतदारसंघातील नोंदणीकृत सर्वच घरांत नळ कनेक्शन आहे. प्रत्येक घराला नळाचे कनेक्शन आहे, पण दुर्दैवाची बाब म्हणजे काही ठिकाणी पूर्णवेळ पाणीपुरवठा तर काही ठिकाणी एक तास दोन तास पाणीपुरवठा होतो. मार्चनंतर तर मेपर्यंत फोंडा तालुक्यातील बऱ्याच भागात पाण्याचा टिपूसही नसतो, त्यामुळे मग पाण्याच्या टँकरवर येथील लोकांना विसंबून रहावे लागते.

फोंडा तालुक्यात सर्व घरांना नळजोडणी देण्यात आली आहे. या नळजोडणीमुळे प्रत्येक घराला पाणी मिळणे आवश्‍यक आहे, पण नळाच्या पाण्यात सातत्य नसल्याने अजूनही काही लोकांना विहिरींवर विसंबून राहावे लागते.

अशी आहे स्थिती-

* फोंडा तालुक्यातील बेतोडा भागात तर कायम पाण्याची समस्या आहे. या ठिकाणी नवीन जलयोजना राबवण्यासाठी सध्या कार्यवाही सुरू आहे, त्यामुळे नजीकच्या काळात बेतोडा भागाला पुरेसा पाणीपुरवठा होईल, अशी आशा व्यक्त करण्यात येत आहे.

* प्रियोळ मतदारसंघात केरी तसेच इतर भागातही पाण्याची समस्या असल्याने टँकरचे पाणीपुरवठा.

* तिस्क - उसगाव भागातही नेमकी तीच स्थिती आहे. साधारण मार्च महिना सुरू झाला, की या ठिकाणी पाण्यासाठी लोकांची वणवण सुरू होते.

* शिरोडा मतदारसंघाबरोबरच मडकई, फोंडा आणि प्रियोळ अशा चारही मतदारसंघात पाण्याची समस्या काही पूर्णपणे निकाली निघालेली नाही,